• IMG-20170812-WA0103.jpg
  • IMG-20171012-WA0071.jpg
  • IMG-20171013-WA0075.jpg
  • MPC_news.JPG
  • TVS.jpg
13 Sep 2017

Vadgaon : ढोरे, नेवाळे, आता सांगा, बाबूराव वायकर यांना डीपीडीसीवर संधी देणा-यांवर काय कारवाई करणार?


किशोर भेगडे यांचा जाहीर सवाल

एमपीसी न्यूज - अपक्ष जिल्हा परिषद सदस्य बाबूराव वायकर यांना राष्ट्रवादी काँग्रेसची उमेदवारी देऊन जिल्हा नियोजन व विकास समितीवर (डीपीडीसी) बिनविरोध निवडून दिल्याबद्दल आता तालुकाध्यक्ष गणेश अप्पा ढोरे व जिल्हा बँकेचे अपक्ष  संचालक बाळासाहेब नेवाळे कोणाला पक्षातून निलंबित करणार, असा खोचक सवाल तळेगाव नगर परिषदेचे माजी उपनगराध्यक्ष व विद्यमान नगरसेवक किशोर भेगडे यांनी केला आहे.

राष्ट्रवादी काँग्रेसचे तालुकाध्यक्ष ढोरे व जिल्हा बँकेचे संचालक नेवाळे हे मनमानी पद्धतीने पक्षसंघटना चालवीत असल्याचा आरोप यापूर्वीही किशोर भेगडे यांनी केला होता. जिल्हा परिषद निवडणुकीत अपक्ष म्हणून निवडून आलेल्या व पुढे राष्ट्रवादीचे सहयोगी सदस्य बनलेल्या वायकर यांना माजी उपमुख्यमंत्री अजित पवार यांनी स्वत: जिल्हा व नियोजन समिती सदस्य म्हणून काम करायची संधी दिली आहे.

मावळ तालुक्यांतील वडगाव-खडकाळा गटाचे अपक्ष जिल्हा परिषद सदस्य बाबूराव वायकर यांना तसेच तालुका खरेदी विक्री संघ निवडणुकीत अपक्षांना मदत केल्याच्या आरोपावरून राष्ट्रवादी काँग्रेसच्या तीन निष्ठावान नेत्यांना पक्षातून निलंबित करण्याचा निर्णय ढोरे व नेवाळे यांनी घेतला होता. आता त्याच वायकर  यांना आणखी वरिष्ठ पदावर कामाची संधी देणा-यांवर काय कारवाई करणार, असा सवाल भेगडे यांनी केला आहे.

वायकर जिल्हा नियोजन समितीवर बिनविरोध निवडून आले त्याबद्दल भेगडे यांनी त्यांचे हार्दिक अभिनंदन केले. तसेच पुढील राजकीय व सामाजिक कार्यास शुभेच्छा दिल्या.

राष्ट्रवादी काँग्रेस पक्षाचे नेते व माजी उपमुख्यमंत्री अजितदादा पवार यांनी वायकर यांना राष्ट्रवादी पक्षाकडून संधी दिल्याबद्दल भेगडे यांनी मावळ तालुका राष्ट्रवादी काँग्रेस पक्षाच्या वतीने अजित पवार यांचे जाहीर आभार देखील मानले.

Facebook Google Plus Twitter LinkedIn