• 123.jpg
  • IMG-20170812-WA0103.jpg
  • mpc.jpg
  • mpc1.jpg
  • MPC_news.JPG
16 Jun 2017

प्रतिकुल परिस्थितीवर मात करत पूजा कुशवाह ने मिळवले 97.40 टक्के गुण

एमपीसी न्यूज - मावळ तालुक्यातील इंदोरी येथील नूतन महाराष्ट्र विद्या प्रसारक मंडळ संचलित प्रगती विद्या मंदिर या शाळेचा यावर्षीचा दहावीचा निकाल 96 टक्के लागला आहे. पूजा हरिसिंग कुशवाह या  विद्यार्थीनीने  97.40 टक्के गुण मिळवून विद्यालयात प्रथम क्रमांक पटकावला आहे. मिहीरा शिवाजी काशिद 94.80 टक्के गुण मिळवून विद्यालयात द्वितीय तर धीरज प्रवीण राऊत 92.72 टक्के गुण मिळवून तृतीय आला आहे.
 
प्रथम क्रमांक मिळवलेली पूजा कुशवाह या विद्यार्थिनीने प्रतिकुल परिस्थितीवर मात करत हे यश संपादन केले आहे. तिची आर्थीक परिस्थिती अत्यंत हलाखीची असून वडील गवंडीकाम करतात. पूजाने नववीमध्ये एमटीएस परीक्षेत राज्याच्या गुणवत्ता यादीत 27 वा क्रमांक मिळवला होता. तर दहावीमध्ये असताना एनटीएस परीक्षेत राज्यात चौथा क्रमांक मिळविला आहे.
 
मुख्याध्यापक दशरथ ढमढेरे, पर्यवेक्षक बलभीम भालेराव, वर्गशिक्षक मच्छिंद्र बारवकर, ज्येष्ठ अध्यापक लक्ष्मण मखर, पांडुरंग कापरे तसेच सर्व विषय शिक्षकांचे योग्य मार्गदर्शन लाभले असे पूजा सांगते.
 
संस्थेचे अध्यक्ष माजी आमदार कृष्णराव भेगडे, सचिव संतोष खांडगे, शालेय समितीचे अध्यक्ष दामोदर शिंदे, पालक सदस्य सुरेश शहा यांनी यशस्वी विद्यार्थ्यांचे अभिनंदन केले आहे.
Facebook Google Plus Twitter LinkedIn
Open Chat
1
Close chat
Hello! Thanks for visiting us. Please press Start button to chat with our support :)

Start