• IMG-20170812-WA0103.jpg
  • IMG-20171012-WA0071.jpg
  • IMG-20171013-WA0075.jpg
  • MPC_news.JPG
  • TVS.jpg
21 Nov 2017

एमपीसी न्यूज - इंदिरा नॅशनल स्कूल संघाने रिलायंस फाऊंडेशन युथ स्पोर्ट्स फुटबॉल स्पर्धेतील नॅशनल केमिकल लॅबोरेटरी ग्राऊंडवर झालेल्या सामन्यामध्ये एआयएसएसएमएस श्री शिवाजी प्रिपेरेटई मिलेटरी प्रायमरी डे स्कूल संघाला 4-0 असे नमवित मुलांच्या ज्युनियर लीग गटात आगेकूच केली.


क्वॉलिफायरमध्ये इंदिरा संघाकडून रचित सिंग व नीरव मोतर यांनी दोन गोल मारत चमक दाखवली.20 मिनिटांनंतर इंदिरा संघाच्या रचितनेम (21 व्या मिनिटाला) गोल मारला. पहिल्या सत्रामध्ये हा एकमात्र गोल झाला. विश्रामानंतर नीरवने (35 व्या व 40 व्या मिनिटाला) गोल मारत पाच मिनिटांच्या संघाला 3-0 अशी आघाडी मिळवून दिली. रचितने 48 व्या मिनिटाला गोल मारत इंदिरा संघाचा विजय निश्‍चित केला.

अन्य सामन्यात विखे पाटील मेमोरियल स्कूल संघाने एआयएसएसएमएस श्री शिवाजी प्रिपेरेटई मिलेटरी बोर्डिंग स्कूल संघाला 1-0 असे पराभूता केले. विजयी संघाकडून सौम्य पाटीलने (42 व्या मिनिटाला) निर्णायक गोल मारला. लीग सामन्यामध्ये लेक्झिकोन इंटरनॅशनल स्कूल संघाने सेंट विन्सेंट नाईट कॉलेज संघाला मुलांच्या सिनियर गटातील सामन्यात 2-1 असे पराभूत केले. रोहित भांजदेवने दोन गोल मारत चमक दाखवली.

प्रशांत गंगीपोगोने ( सातव्या मिनिटाला) सेंट विन्सेंट कॉलेज संघाला मध्यंतरापर्यंत 1-0 अशी आघाडी मिळवून दिली.यानंतर रोहितने (35 व्या मिनिटाला) गोल लेक्झिकोन संघाला बरोबरी साधून दिली. पण, सामन्याच्या 56 व्या मिनिटाला गोल झळकावत त्याने संघाला आघाडी मिळवून दिली.

क गटातील सामन्यात मिथिल नवलखाने पाचव्या मिनिटाला झळकावलेल्या गोलच्या जोरावर सेंट विन्सेंट हायस्कूल पुण्याच्या दिल्ली पब्लिक स्कूल संघावर  1-0 असा विजय नोंदवला.

निकाल : 

- ज्युनियर मुले (लीग) : क गट - सेंट विन्सेंट हायस्कूल वि.वि. दिल्ली पब्लिक स्कूल, पुणे 1-0, क्वॉलिफायर : इंदिरा नॅशनल स्कूल वि.वि. एआयएसएसएमएस श्री शिवाजी प्रिपेरेटई मिलेटरी प्रायमरी डे स्कूल 4-0,  विखे पाटील मेमोरियल स्कूल वि.वि. एआयएसएसएमएस श्री शिवाजी प्रिपेरेटई मिलेटरी बोर्डिंग स्कूल 1-0

- सिनियर मुले (लीग) : ड गट - लेक्झिकोन इंटरनॅशनल स्कूल वि.वि. सेंट विन्सेंट नाईट कॉलेज 2-1
21 Nov 2017


‘आचल करंडक’ आंतर माहीती तंत्रज्ञान ट्वेन्टी-20 अजिंक्यपद क्रिकेट स्पर्धा

एमपीसी न्यूज - व्हाईट कॉपर तर्फे आयोजित ‘आचल करंडक’ आंतर माहीती तंत्रज्ञान ट्वेन्टी-20 अजिंक्यपद क्रिकेट स्पर्धेत पर्सिस्टंट सिस्टीम आणि झेनसार टेक्नॉलॉजी या संघांनी अनुक्रमे एचएसबीसी सॉफ्टवेअर आणि डॉएश्‍च बँक या संघांचा पराभव करून विजयी सलामी दिली.

नेहरू स्टेडियम मैदानावर झालेल्या या स्पर्धेत सुशांत बन्सल याने केलेल्या 59 धावांच्या जोरावर पर्सिस्टंट सिस्टीम संघाने एचएसबीसी सॉफ्टवेअर संघाचा 57 धावांनी पराभव केला. पर्सिस्टंट संघाने पहिल्यांदा फलंदाजी करताना 20 षटकात 7 गडी बाद 154 धावांचे आव्हान उभे केले. यामध्ये सुशांत बन्सल (59 धावा) व सिध्दार्थ गोखले (35) यांनी तिसर्‍या गड्यासाठी 60 चेंडूत 72 धावांची भागिदारी करून मोठ्या धावसंख्येचा पाया रचला. सहाव्या गड्यासाठी सुधीर परांजपे (23) आणि सुशांत यांनी 33 चेंडूत 52 धावा केल्या. एचएसबीसीच्या गोलंदाजांनी 34 अतिरिक्त धावा देऊन पर्सिस्टंटची धावसंख्येला हातभार लावला. या आव्हानासमोर एचएसबीसी सॉफ्टवेअर संघाचा डाव 18.4 षटकात व 97 धावांवर संपुष्टात आला.

दुसर्‍या सामन्यात मुज्जमील खाने याने फटकावलेल्या 39 धावांच्या जोरावर झेनसार टेक्नॉालॉजी संघाने डॉएश्‍च बँक संघाचा केवळ 1 चेंडू आणि 4 गडी राखून सनसनाटी पराभव केला. डॉएश्‍च बँक संघाने पहिल्यांदा फलंदाजी करताना 20 षटकात 6 गडी बाद 137 धावांचे आव्हान उभ केले होते. यामध्ये कर्णधार आदिभ गजभिये याने 72 धावांचे योगदान दिले. आदिभ आणि इर्शाद बेग (33) यांनी दुसर्‍या गड्यासाठी 60 चेंडूत 65 धावांची भागिदारी केली. धावांचा पाठलाग करताना झेनसार टेक्नॉलॉजीच्या सिध्दार्थ जालन (28 धावा) व हृषिकेश राऊत (24) यांनी तिसर्‍या गड्यासाठी 41 चेंडूत 50 धावांची भागिदारी करून संघाचे आव्हान कायम ठेवले. पण त्यानंतर झेनसार संघाचे फलंदाज ठराविक अंतराने बाद होत गेले. अखेरच्या 4 षटकात 38 धावांनी आवश्यकता होती व झेनसारचा निम्मा संघ तंबुत परतला होता. त्यावेळी मुज्जमिल खान (नाबाद 39) याने भरत झव्हेरी (20) याच्यासाथीत सहाव्या गड्यासाठी 30 चेंडूत 32 धावा केल्या. अखेरच्या दोन षटकामध्ये 16 धावांची आवश्यकता होती पण, या षटकात केवळ 7 धावा निघाल्या. अखेरच्या षटकात 9 धावांची आवश्यकता होती. डॉएश्‍चचा गोलंदाज साहील वशिष्ठ याने पहिल्या 3 चेंडूत 4 धावा दिल्या. त्यानंतर एक धाव निघाली. दोन चेंडूत चार धावांची आवश्यकता असताना मुज्जमिल याने गोलंदाजाच्या डोक्यावरून सरळ लाँग ऑनला षटकार खेचून झेनसार संघाला उत्कंठावर्धक विजय मिळवून दिला.

सामन्याचा निकालः गटसाखळी फेरीः पर्सिस्टंट सिस्टीमः 20 षटकात 7 गडी बाद 154 धावा (सुशांत बन्सल 59 (47, 4 चौकार, 1 षटकार), सिध्दार्थ गोखले 35 (40, 3 चौकार), सुधीर परांजपे 23, अतिरिक्त धावा 34, श्रवण नाईक 2-42);(भागिदारीः तिसर्‍या गड्यासाठी सुशांत आणि सिध्दार्थ यांच्यात 72(60); सहाव्या गड्यासाठी सुशांत आणि सुधीर यांच्यात 52 धावा (33) वि.वि. एचएसबीसी सॉफ्टवेअरः 18.4 षटकात 10 गडी बाद 97 धावा (ओंकार सिंग नाबाद 30 (18, 2 चौकार, 2 षटकार, संजय लोखंडे 16, आचल गुप्ता 4-21, गिरीष वाळूंज 2-17, अमरप्रित जसपाल 2-32);

सामनावीरः सुशांत बन्सल

2) डॉएश्‍च बँकः 20 षटकात 6 गडी बाद 137 धावा (आदिभ गजभिये 72 (52, 7 चौकार, 1 षटकार), इर्शाद बेग 33 (39, 3 चौकार), उत्कर्ष अगरवाल 2-20);(भागिदारीः दुसर्‍या गड्यासाठी आदिभ आणि इर्शाद यांच्यात 65(60) पराभूत वि. झेनसार टेक्नॉलॉजीः 19.5 षटकात 6 गडी बाद 141 धावा (मुज्जमिल खाना नाबाद 39 (21, 1 चौकार, 3 षटकार), भरत झव्हेरी 20 (22), सिध्दार्थ जालन 28, हृषिकेश राऊत 24, राजशेखरन सी. 2-22);(भागिदारीः तिसर्‍या गड्यासाठी हृषीकेश आणि सिध्दार्थ 50 (41); सहाव्या गड्यासाठी भरत आणि मुज्जमील 32(30); सातव्या गड्यासाठी सिध्दार्थ गौतम (2 धावा) आणि मुज्जमिल नाबाद 28 धावा (12 चेंडू);

सामनावीरः मुज्जमील खान

20 Nov 2017


एल अँड डी मुंबई ओपन डब्ल्युटीए 125 के सिरीज

एमपीसी न्यूज - युवा भारतीय खेळाडू करमन कौर थंडी आणि झील देसाई यांनी वाईल्ड कार्डच्या माध्यमातून एल अँड डी मुंबई ओपन डब्ल्युटीए 125 के सिरीज या सीसीआय कोर्ट्सवर सुरू असलेल्या स्पर्धेमध्ये सुरुवातीला चांग़ली कामगिरी केली पण, नंतर आपल्यापेक्षा चांगल्या प्रतिस्पर्ध्यांविरुद्ध त्यांना पराभवाचा सामना करावा लागला.

भारताच्या दुस-या मानांकित 19 वर्षीय डब्ल्युटीए क्रमवारीत 312 क्रमवारी असलेल्या करमनला बिनमानांकित 26 वर्षीय स्लोव्हेनियाच्या डालिला जाकुपोविक (242 क्रमवारी) हिच्याकडून 2-6, 4-6 असे तासभराहून अधिक काळ चाललेल्या सामन्यात पराभूत व्हावे लागले.

त्यापूर्वी, डब्ल्युटीएमध्ये 709 क्रमवारी असलेली 18 वर्षीय झीलने जागतिक क्रमवारीत 150 व्या स्थानी असलेल्या 22 वर्षीय झाओकडून 6-3, 6-1 असे एक तास सात मिनिटे चाललेल्या सामन्यामध्ये पराभूत व्हावे लागले.

मला गेममध्ये अनेक संधी होत्या. पण, सामन्यामध्ये सर्व्हिस म्हणावी तशी होत नव्हती. मी दुस-या सेटमध्ये चांगली कामगिरी केली. सामना 4-4 असा बरोबरीत असताना मी 30-0 अशी आघाडीवर होती.डालिला ही माझ्यापेक्षा चांगली खेळत होती आणि तसेच मी काही चुकीचे फटके देखील खेळले असे सामना संपल्यानंतर आयोजित पत्रकार परिषदेनंतर करमन म्हणाली. घरच्या कोर्टवर खेळल्याने हा अनुभव चांगला होता. माझ्यासाठी ही चांगली संधी होती आणि माझे लक्ष उद्यापासून सुरु होणा-या दुहेरीच्या सामन्यांकडे आहे असे ती पुढे म्हणाली.

दरम्यान, आठव्या मानांकित रशियाच्या इरीना खरोमाचेवाला उझबेकिस्तानच्या बिनमानांकित सबीना शारीपोवाकडून 2-6, 7-6(2), 7-6 (3) असे तीन सेटपर्यंत चाललेल्या सामन्यात पराभूत केले.रशियाच्या वॅलेंटायना इवाख्नेनकोने चेक प्रजासत्ताकच्या मारी बौझकोवाला 6-3, 6-3 असे पहिल्या फेरीत पराभूत व्हावे लागले.

- निकाल (पहिली फेरी) : 

7- कॅरोल झाओ (कॅनडा) वि.वि. झील देसाई (भारत) 6-3, 6-1 
- डालिला जाकुपोविक (स्लोव्हेनिया)वि.वि. करमन कौर थंडी (भारत) 6-2, 6-4 
- सबिना शारीपोवा (उझबेकिस्तान) वि.वि. 8- इरीना खरोमाचेवाला 2-6, 7-6(2), 7-6(3)
-वॅलेंटायना इवाख्नेनको (रशिया) वि.वि. मारी बौझकोवा (चेक प्रजासत्ताक) 6-3, 6-3

20 Nov 2017


एमपीसी न्यूज - सेंट विन्सेंट हायस्कूल संघाने ऐमर अ‍ॅडम्सने झळकावलेल्या हॅटट्रीकच्या जोरावर रिलायंस फाऊंडेशन युथ स्पोर्ट्स फुटबॉल स्पर्धेमध्ये मुलांच्या ज्युनियर लीग गटातील सामन्यात सरदार दस्तूर होशंग बॉईज हायस्कूल संघाला सोमवारी झालेल्या सामन्यात 4-0 असे पराभूत केले.


ऐमर (18 व्या व 38 व्या मिनिटाला) याने मध्यंतरापूर्वी दोन गोल मारले आणि नॅशनल केमिकल लॅबोरेटरी ग्राऊंडवर झालेल्या सामन्यात 43 व्या मिनिटाला त्याने तिसरा गोल मारला. विआन मुरगूड (48 व्या मिनिटाला) याने एक गोल मारत संघाचा 4-0 असा विजय निश्‍चित केला.

क गटातील  दिल्ली पब्लिक स्कूल व हचिंग्स हायस्कूल यांच्यातील सामना 2-2 असा बरोबरीत संपला. मल्हार हारेर (15 व्या मिनिटाला) याने मारत डीपीएस संघाला आघाडी मिळवून दिली. यानंतर हचिंग्सच्या मुलांकडून सचित परांजपे (24 व्या मिनिटाला) व हर्षित हेमाडे (32 व्या मिनिटाला) यांनी गोल मारत संघाला 2-1 अशी आघाडी मिळवून दिली. यानंतर डीपीएसच्या कार्तिकेय श्रीवास्तव याने 35 व्या मिनिटाला गोल झळकावत सामना बरोबरीत आणला.

सेंट विन्सेंट संघाने मुलांच्या सिनियर गटातील सामन्यात सूर्यादत्ता ज्युनियर कॉलेज ऑफ आर्ट्स, सायन्स अँड कॉमर्स संघावर 4-1 अशा फरकाने विजय मिळवला. अ‍ॅरॉन डिसिल्वाने विजयी संघाकडून तीन गोल ( 35 व्या, 50 व्या व 53 व्या मिनिटाला) मारले.तर, केविन विल्सन (40 व्या मिनिटाला) याने देखील एक गोल मारला. पराभूत सूर्यादत्ता कॉलेज संघाकडून करण भिसेने 51 व्या मिनिटाला एकमात्र गोल झळकावला.

निकाल :

ज्युनियर मुले (क्वॉलिफायर) : सेंट विन्सेंट हायस्कूल वि.वि. सरदार दस्तूर होशंग बॉईज हायस्कूल 4-0, लीग : क गट- दिल्ली पब्लिक स्कूल ड्रॉ वि. हचिंग्स हायस्कूल 2-2 

-सिनियर मुले (लीग) : सेंट विन्सेंट हायस्कूल वि.वि. सुर्यादत्ता ज्युनियर कॉलेज ऑफ आर्ट्स, सायन्स अँड कॉमर्स  4-1

20 Nov 2017


प्रथमच सहभागी झालेल्या टीमने एकूण 438 गुणांसह जिंकला किताब

टीम ग्रीशम आणि भल्ला रोयाल यांनी पटकावले द्वितीय व तृतीय स्थान

हरीथ नोआ आपल्या प्रतिष्ठेला जागून यंदाही ठरला सर्वोत्कृष्ट रायडर

पुण्याच्या युवराज कोंडे देशमुख याने थरारक रेसिंगने जिंकली उपस्थितांची मने

ज्युनियर कॅटेगरीमध्ये उत्तम कामगिरी करून एकमेव महिला रायडर तनिका शानबागने मिळविले घवघवीत यश

एमपीसी न्यूज - आपल्या रायडर्सच्या उत्तम कामगिरीमुळे प्रथमच लीगमध्ये सहभागी झालेल्या स्टॅलियन रायडर्स या संघाने पुणे इन्व्हिटेशनल सुपरक्रॉस लीग 2017 च्या चौथ्या सत्रात विजेतेपद पटकावले आहे. पुण्यातील रॉयल पाम्स, मुंढवा येथे ही स्पर्धा आयोजित करण्यात आली होती.

महत्वाचे सहभागी स्पर्धक तीन दिवसीय सुपरक्रॉस स्पर्धेत रेसिंगचे आकर्षक व रोमांचक परफॉर्मन्सेस पाहायला मिळाले. यात आंतरराष्ट्रीय व राष्ट्रीय स्पर्धकांचा समावेश होता. रायडर्सच्या श्वास रोखायला लावणाऱ्या परफॉर्मन्सेसमुळे रोमांचित  झालेल्या प्रेक्षकांनीही या स्पर्धेला भरभरून प्रतिसाद दिला. स्टॅलियन रायडर्सने एसएक्स 2 कॅटेगरीतून जास्त गुण मिळविले. या विभागात त्यांना 178 गुण मिळाले. पृथ्वी सिंग हा या टीमसाठी खास ठरला असून त्याने 91 गुण मिळवले. चंदीगडस्थित या रायडरने सहा मोटोंपैकी दोन मोटोंमध्ये दुसऱ्या क्रमांकावर स्थान पटकावून एका मोटोमध्ये प्रथम स्थान पटकावले.

गोव्याच्या जावेद शेख याने एसएक्स 2 कॅटेगरीत पृथ्वीला जोरदार स्पर्धा दिली. जावेदने टीम ग्रीशमचे प्रतिनिधीत्व केले. 424 गुण मिळवून ही टीम दुसर्‍या क्रमांकावर विराजमान झाली. या गोवास्थित स्पर्धकाने 117 गुण मिळवून आपल्या टीमला मोठे योगदान दिले. सहापैकी पाच मोटोंमध्ये तो विजेता ठरला असून एका मोटोमध्ये दुसरे स्थान मिळवले. या कॅटेगरीत जावेद याला सर्वोत्कृष्ट रायडर म्हणून किताब मिळाला.

सर्वकाही हरीथ एसएक्स 1 कॅटेगरीमध्ये इंक रेसिंगच्या हरीथ नोआ याने प्रथम क्रमांक पटकावला असून सहापैकी 5 मोटोंमध्ये त्याने प्रथम व एकात द्वितीय स्थान मिळवले. हरीथला या कॅटेगरीतील सर्वोत्कृष्ट रायडर म्हणून गौरवण्यात आले. हरीथ हा सध्याचा राष्ट्रीय चॅम्पियन असून त्याने आपली दमदार प्रदर्शनाने प्रेक्षकांची माने जिंकली. या लीगमध्ये सलग दुसर्‍यांदा त्याला सर्वोत्कृष्ट रायडरचा मान मिळाला.

नटराजने राखली प्रतिष्ठा

एसएक्स 3 कॅटेगरीमध्ये पुन्हा एकदा टीम भल्ला रोयाल च्या आर. नटराज याने आपले स्थान अढळ ठेवले. बंगळुरूस्थित या रायडरने सहापैकी चार मोटो जिंकले असून एका मोटोत दुसर्‍या स्थानावर जेतेपद पटकावले. इतर दोन मोटोंमध्ये अपघातामुळे आर. नटराज याला रेस पूर्ण करता आली नाही, हा टीम भल्ला रोयालसाठी मोठा फटका होता. सहा मोटोंमध्ये 96 गुण मिळवून पाषाणकर रेसिंग टीमच्या इम्रान पाशा याने द्वितीय स्थान पटकावले.

युवराजाचे तेज कायम

एसएक्स कॅटेगरीमध्ये तिहेरी युद्ध दिसून आले. यात युवराज कोंडे देशमुख (पाषाणकर रेसिंग), करण कार्ले (पीबी रेसिंग) या पुण्याच्या किशोरवयीन उदयोन्मुख खेळाडूंचा व टीम ग्रीशमचे प्रतिनिधीत्व करणाऱ्या श्रीलंकेचा देवराज कोलहारा यांचा समावेश होता. या कॅटेगरीत विजेत्या ठरलेल्या युवराजने सहापैकी पाच मोटो जिंकून एका मोटोत द्वितीय स्थान पटकावले.

अटीतटीचा सामना

एसएक्स आंतरराष्ट्रीय कॅटेगरीमध्ये आंतरराष्ट्रीय रायडर्स एकमेकांना सामोरे गेले. ही सर्वांत आकर्षक आणि अटीतटीची कॅटेगरी ठरली असून यात पीबी रेसिंगचा अँथनी रेनार्ड, टीम ग्रीशमचा केरिम फिट्सगेराल्ड आणि युएसएस्थित स्टॅलियन रायडर्सचे प्रतिनिधीत्व करणारा जस्टीन मस्कट यांच्यात तिहेरी द्वंद्व रंगले. पण अद्वितीय अशा केरिम फिट्सगेराल्ड याने 110 गुण मिळवून सहापैकी चार मोटोंमध्ये जेतेपद व अन्य दोन मोटोंमध्ये द्वितीय व तृतीय क्रमांक पटकावला. अँथनीने 99 गुण मिळवून द्वितीय स्थान पटकावले आणि 82 गुणासह जस्टीन मस्कट याला तृतीय स्थान मिळाले. ही डेमो क्लास कॅटेगरी असल्याने रायडर्सनी कमावलेले गुण हे टीमच्या अंतिम गुणांमध्ये ग्राह्य धरले गेले नाहीत.

तनिकाने जिंकली मने

साताऱ्याची तनिका शानबाग ही महिला रायडर सहा मोटोंमध्ये 114 गुण मिळवणारी एसएक्स ज्युनियर कॅटेगरीतील एकमेव रायडर ठरली आहे. तनिकाने चार मोटो जिंकून अन्य दोन मोटोंमध्ये द्वितीय स्थान मिळवले. तिला साताऱ्याच्याच श्लोक घोरपडे याने तगडा सामना दिला मात्र, 108 गुणांवर त्याला द्वितीय स्थानावर समाधान मानावे लागले.

या लीगबद्दल बोलताना विलो इव्हेंट्सचे संचालक व भागीदार इशान लोखंडे म्हणाले, एक क्रीडाप्रकार म्हणून सुपरक्रॉस भारतात बराच लोकप्रिय होत आहे. यावर्षी लोकांचा प्रतिसाद फारच चांगला होता. पूर्ण लीगमध्ये रेसिंगचा दर्जा अद्वितीय होता. या लीगने सुपरक्रॉसला एक खेळ म्हणून नवी ओळख देऊन वेगळ्या उंचीवर नेले. प्रेक्षकांचा उदंड प्रतिसाद, खेळाडूंचा सहभाग आणि सुपरक्रॉस प्रायोजकांचा सहभाग यामुळे ही स्पर्धा यशस्वी झाली. या लीगने मापदंड घालून दिला असून भारतीय क्रीडा प्रकारात क्रांती घडवून आणली आहे.

ईशान लोखंडे पुढे म्हणाले, पंचशील रिअ‍ॅल्टी, आमचे सर्व प्रायोजक आणि सहभागी संघ मालक यांचे आम्ही आभारी आहोत. पुढच्या वर्षीची लीग अधिक भव्य आणि चांगल्या प्रकारे सादर होईल, तसेच, भारतातील अनेक कॉर्पोरेट कंपन्याही याला हातभार लावतील, असा विश्वास मला वाटतो.

WhatsApp Image 2017 11 19 at 2.39.07 PM

20 Nov 2017

एमपीसी न्यूज - पूना फुटबॉल लीगच्या पहिल्या सत्राच्या अभूतपूर्व यशामुळे अत्यंत आनंद झालेल्या पूना क्लबच्या सभासदांनी अशा प्रकारच्या अनेक क्रीडा स्पर्धा घेण्याचा मनोदय व्यक्त केला आहे. तसेच, सभासदांच्या याच उत्साहाचा परिणाम म्हणून पूना क्लब तर्फे दुसऱ्या पूना क्लब फुटबॉल लीग (पीसीएफएल) स्पर्धेचे आयोजन करण्यात आले आहे. ही स्पर्धा पूना क्लब येथील मैदानावर 14 ते 17 डिसेंबर 2017 या कालावधीत रंगणार आहे.


स्पर्धेविषयी अधिक माहिती देताना पूना क्लबचे स्पोर्टस चेअरमन व फुटबॉल विभागाचे सचिव मनीष मेहता व स्पर्धा संचालक तारिक परवानी यांनी सांगितले की,  ही फुटबॉल लीग स्पर्धा केवळ क्लबच्या सभासदांसाठीच मर्यादित आहे. स्पर्धेच्या यशस्वी संयोजनासाठी मानद सचिव मनीष मेहता, प्रायोजकत्व व केटरिंगचे मुख्य सुनील हांडा, स्पर्धा संचालक तारिक परवानी, तांत्रिक संचालक उमेश पिल्ले, तांत्रिक व क्रिएटिव्ह स्पोर्टचे तुषार आस्वानी, स्पॉन्सरशिप टीमचे अँड्री पिंटो, स्पर्धा व्यवस्थापक पवित पठेजा यांचा समावेश आहे. तसेच, सभासंदाच्या समितीमध्ये  पूना क्लब लिमिटेडचे अध्यक्ष राजीव संगतानी, क्लबचे उपाध्यक्ष राहुल ढोले पाटील, सिस्टीम व आयटीचे चेअरमन गौरव गढोके, क्लबच्या केटरिंग व स्पॉन्सरशिपचे चेअरमन सुनील हांडा, लॉ कमिटीचे चेअरमन रोहन पुसाळकर यांचा समावेश आहे.

स्पर्धेत झाल्टन ऑफ स्विंग(गौरव गढोके व मनप्रीत उप्पल), गेट मेस्सी(हरसिह सोळंकी), आऊट ऑन बेल(पवित पठेजा व अमित पोकर्णा), रोनाल्डो नट्स(अमित गढोके), रॉनी ट्यून्स(राकेश नवनी), सुअरेज बाईट्स(नितीन लुंकड व अमित कोठारी), मार्क ओ पिर्लो(अमजद अक्कलकोटकर व अँड्री पिंटो), ऍबसुलेटली फॅब्रिगेस(मनीष मेहता व प्रणय धारणीधारका), ड्युक्स ऑफ हजार्ड(अली हाजी), शुगर केन(चिराग लुल्ला व अर्णव लुल्ला), कोक इन कॅन(नीरज अरोरा व विशाल कस्तीया), विझार्ड ऑफ ओझील(अमर सेंभे) हे 12 संघ झुंजणार आहेत.

या सपर्धेला नील हुंडाईचे अक्षय शाह यांचे सहप्रायोजकत्व लाभले आहे. या स्पर्धेत एकूण 12 संघ असून प्रत्येक संघात 8 खेळाडूंचा समावेश आहे. तसेच, ही 5-अ-साईड स्पर्धा असून 3 खेळाडू राखीव असणार आहेत. सामन्याचा पूर्वार्ध व उत्तरार्ध प्रत्येक 12.30मिनिटांचा असून तीन मिनिटांचे मध्यंतर असणार आहे. प्रत्त्येक संघात 1 मालक व 1 सहमालक असे दोन खेळाडूंची परवानगी आहे. इतर खेळाडू 22 नोव्हेंबर रोजी होणाऱ्या लिलाव  प्रक्रियेतून निवडले जाणार आहेत. हि संपूंर्ण स्पर्धा व्यावसायिक पंच व तांत्रिक अधिकाऱ्यांकडून संचालित केली जाणार आहे. या स्पर्धेबरोबरच मुले व प्रौढांसाठी अन्य करमणुकीचे कार्यक्रमही आयोजित केले जाणार आहेत. तसेच, महिलांच्या प्रदर्शनीय सामन्याचेही अखेरच्या दिवशी आयोजन केले जाणार आहे.

कार्यकारिणी सदस्यांसाठीही एका सामन्याचे आयोजन केले जाणार आहे. अल्पोपहार, खाद्यपेय, डीजे म्युजिक व लाईव्ह कॉमेंटरी, यामुळे स्पर्धेच्या ठिकाणी फुटबॉल महोत्सवाचे च वातावरण निर्माण करण्याचा आयोजकांचा हेतू आहे.
20 Nov 2017

‘आचल करंडक’ आंतर माहिती तंत्रज्ञान ट्वेन्टी-20 अजिंक्यपद क्रिकेट स्पर्धा

एमपीसी न्यूज - व्हाईट कॉपर आयोजित ‘आचल करंडक’ आंतर माहिती तंत्रज्ञान ट्वेन्टी-20 अजिंक्यपद क्रिकेट स्पर्धेत गतवर्षीच्या उपविजेत्या टाटा कन्स्लटन्सी सर्व्हिसेस आणि अ‍ॅटॉस या संघांनी आपापल्या प्रतिस्पर्ध्यांचा पराभव करून स्पर्धेच्या उद्घाटनाचा दिवस गाजवला.

नेहरू स्टेडियम मैदानावर झालेल्या स्पर्धेच्या उद्घाटनाच्या दिवशी कर्णधार सुनील बाबर याने केलेल्या अष्टपैलू खेळीच्या जोरावर टाटा कन्स्लटन्सी सर्व्हिसेस संघाने पबमॅटिक संघाचा 63 धावांनी पराभव केला. पहिल्यांदा फलंदाजी करताना टाटा कन्स्लटन्सी सर्व्हिसेस संघाने 20 षटकात 10 गडी बाद 147 धावांचे आव्हान उभे केले. यामध्ये राहूल गर्ग याने 53 धावांसह अर्धशतकी खेळी केली. राहूल आणि कर्णधार सुनील बाबर (33 धावा) यांनी तिसर्‍या गड्यासाठी 44 चेंडूत 64 धावांची भागिदारी करत संघाला दीडशे संघाचा टप्पा गाठून दिला. या आव्हानाला उत्तर देताना पबमॅटिक संघाचा डाव 20 षटकात 9 गडी बाद 84 धावांवर मर्यादित राहिला. टीसीएसच्या सिद्धार्थ मुखार्या (4-11) व सुनील बाबर (3-13) यांनी उपयुक्त गोलंदाजी करून संघाचा विजय सोपा केला.

‘लो स्कोरींग’ झालेल्या दुसर्‍या सामन्यात हर्षद तिडके याने केलेल्या महत्वपूर्ण फलंदाजीच्या जोरावर अ‍ॅटॉस संघाने स्प्रिंगरनेचर संघाचा 5 गडी राखून पराभव केला. पहिल्यांदा फलंदाजी करणार्‍या स्प्रिंगर नेचरचे फलंदाज मनासारखी फलंदाजी करण्यात अपयशी ठरले व संघाचा धावफलक 18.3 षटकात 10 गडी बाद 97 धावांवर मर्यादित राहिला. यामध्ये विशाल होले (28) याने सर्वाधिक तर, अ‍ॅटॉसच्या गोलंदाजांनी 27 अतिरिक्त धावांची खैरात केली. या आव्हानाचा पाठलाग करताना अ‍ॅटॉसचा निम्मा संघ झटपट तंबुत परतला होता व संघ अडचणीत सापडला होता. पण हर्षद तिडके (32 धावा) आणि वैभव पेडणेकर (17) यांनी सहाव्या गड्यासाठी 51 चेंडूत नाबाद 58 धावांची भागिदारी करून संघाला पराभवापासून वाचवले.

या आधी स्पर्धेचे उद्घाटन आचल कन्स्ट्रक्शन अॅण्ड डेव्हलपर्सचे संचालक विशाल परदेशी यांच्या हस्ते करण्यात आले. यावेळी विजयकुमार सावंत, अ‍ॅड. विलास बारवकर, डॉ. लव गळवे व भूषण चांदगुडे आदी उपस्थित होते. स्पर्धेत पुण्यातील माहिती तंत्रज्ञान क्षेत्रातील तब्बल 32 संघ सहभागी झाले आहेत.

सामन्याचा निकालः गटसाखळी फेरीः टाटा कन्स्लटन्सी सर्व्हिसेसः 20 षटकात 10 गडी बाद 147 धावा (राहुल गर्ग 53 (40, 6 चौकार), सुनील बाबर 33 (26, 5 चौकार), सौम्या राजन मोहंती 25 (26, 1 चौकार), अमित जोशी 3-13, सुरेश घारे 2-28);(भागिदारीः सुनील आणि राहुल यांच्यात तिसर्‍या गड्यासाठी 44 चेंडूत 64 धावांची भागिदारी) वि.वि. पबमॅटीकः 20 षटकात 9 गडी बाद 84 धावा (अमित जोशी 14, जितेंद्र टिळेकर 14, महेश वाबळे 14, सिद्धार्थ मुखार्या 4-11, सुनील बाबर 3-13); सामनावीरः सुनील बाबर (टीसीएस);

2) स्प्रिंगर नेचरः 18.3 षटकात 10 गडी बाद 97 धावा (विशाल होले 28 (22, 2 चौकार), राहुल नागडे17, अतिरिक्त धावा 27, शौर्य शर्मा 4-32, इशान नारंग 2-12) पराभूत वि. अ‍ॅटॉसः 18.5 षटकात 5 गडी बाद 98 धावा (हर्षद तिडके 32 (43, 4 चौकार), वैभव पेडणेकर 17, अतिरिक्त धावा 22); (भागिदारी सहाव्या गड्यासाठी हर्षद आणि वैभव यांच्यात 51 चेंडूत नाबाद 58 धावांची भागिदारी); सामनावीरः हर्षद तिडके(अ‍ॅटॉस);
20 Nov 2017

रिलायंस फाऊंडशेन युथ स्पोर्ट्स फुटबॉल

एमपीसी न्यूज- सेंट पॅट्रिक हायस्कूल अँड ज्युनिअर कॉलेज संघाने रिलायंस फाऊंडशेन युथ स्पोर्ट्स फुटबॉल स्पर्धेत रविवारी झालेल्या मुलांच्या सिनियर गटातील सामन्यात सेंट व्हिन्सेंट नाईट कॉलेज संघ अनुपस्थित राहिल्याने उपांत्यपूर्व फेरीत आगेकूच केली.या निकालामुळे क गटात सात गुण (दोन विजय आणि एक ड्रॉ) मिळवत शेवटच्या आठ जणांमध्ये स्थान मिळवले.

मुलांच्या कॉलेज गटात ऑल इंडिया श्री शिवाजी मेमोरियल सोसायटी (एआयएसएसएमएस)कॉलेज ऑफ इंजिनिअरिंग संघाने इन्स्टिट्यूट ऑफ मॅनेजमेंट अँड इंटरप्रिनरशिप डेव्हलपमेंट ( आयएमइडी) संघाला 5-0 असा पराभव केला.

दुर्गेश शुक्ला (तिसऱ्या मिनिटाला) आणि प्रणव भंडारी (10 व्या मिनिटाला) यांनी एआयएसएसएमएस संघाला 2-0 अशी आघाडी मिळवून दिली. दुसऱ्या फेरीत दुर्गेश आणि प्रणव यांनी अनुक्रमे 48 व्या व 53 व्या मिनिटाला गोल मारले.यानंतर एआयएसएसएमएस कॉलेजकडून अनिकेत भिकुलेने 55 व्या मिनिटाला गोल मारत संघाचा विजय निश्चित केला.

मुलांच्या कॉलेज गटातील श्री शिवाजी प्रिपेरेटरी मिलिटरी डे स्कुल अँड ज्युनियर कॉलेज ग्राऊंडवर झालेल्या सामन्यात निवृत्ती बाबाजी नेवाले (एनबीएन) सिंहगड स्कुल ऑफ इंजिनिअरिंग संघाने झिल एज्युकेशन सोसायटी कॉलेज ऑफ इंजिनिअरिंग संघाला 5-0 असा पराभव केला.शुभम किरवेने (चौथ्या, 28 व्या व 30 व्या मिनिटाला) तीन गोल मारले तर, निशांत नदार (14 व्या व 37 व्या मिनिटाला) याने दोन गोल मारले.

नंतर सूर्यदत्ता ज्युनियर कॉलेज ऑफ आर्ट्स, सायन्स अँड कॉमर्स संघाने नवरोसजी वाडिया कॉलेजला मुलांच्या सिनियर गटात 1-0 असा विजय नोंदवला.सामन्याच्या दुसऱ्या मिनिटाला गौरव रेवणकर याने एकमात्र गोल मारला.

द बिशप्स को एड स्कूल संघाने आरनॉल्ड सेंट्रल स्कुल संघाला 4-1 असा ज्युनियर लीग गटातील सामन्यात विजय नोंदवला.देव राव (17 व्या मिनिटाला), अर्जुन जाकथ (32 व्या मिनिटाला), रोहन चीरौथ (47 व्या मिनिटाला) आणि सौरभ रत्नपारखी (48 व्या मिनिटाला) गोल मारत विजयात योगदान दिले. पराभूत संघाकडून एकमात्र गोल हा सिद्धांत चव्हाणने (27 व्या मिनिटाला) मारला.

लीग निकाल :
ज्युनियर मुले : एफ गट - द बिशप्स को एड स्कूल वि. वि. आरनॉल्ड सेंट्रल स्कुल 4-1

- सिनियर मुले : सूर्यदत्ता ज्युनियर कॉलेज ऑफ आर्ट्स, सायन्स अँड कॉमर्स वि. वि.नवरोसजी वाडिया कॉलेज 1-0, क गट : सेंट पॅट्रिक हायस्कूल अँड ज्युनिअर कॉलेज वोकोव्हर सेंट व्हिन्सेंट नाईट कॉलेज

- कॉलेज मुले : ग्रुप ई : एआयएसएसएमएस कॉलेज ऑफ इंजिनिअरिंग वि. वि.इन्स्टिट्यूट ऑफ मॅनेजमेंट अँड इंटरप्रिनरशिप डेव्हलपमेंट( आयएमइडी) 5-0, ड गट : एनबीएन सिंहगड स्कूल ऑफ इंजिनिअरिंग वि. वि. झिल एज्युकेशन सोसायटी कॉलेज ऑफ इंजिनिअरिंग 5-0
..…….
फोटो 1-2 : एआयएसएसएमएस कॉलेज ऑफ इंजिनिअरिंग (सफेद बिब) संघाने वि.इन्स्टिट्यूट ऑफ मॅनेजमेंट अँड इंटरप्रिनरशिप डेव्हलपमेंट( आयएमइडी) संघाला 5-0 असे मुलांच्या लीग मध्ये विजय मिळवला.

WhatsApp Image 2017 11 19 at 2.39.07 PM

18 Nov 2017

रिलायंस फाऊंडेशन यूथ स्पोर्ट्स फुटबॉल

एमपीसी न्यूज - गेल्या वर्षीचे सिटी चॅम्पियन असलेल्या द बिशप्स स्कूल कॅम्प आणि अँजेल हायस्कूल संघाने रिलायंस फाऊंडेशन यूथ स्पोर्ट्स फुटबॉल स्पर्धेतील मुलांच्या गटातील शुक्रवारी डे नोबिली कॉलेज ग्राऊंडवर झालेल्या सामन्यात विजय मिळवत बाद फेरीत (उपांत्यपूर्व फेरीत) धडक मारली.

द बिशप्स स्कूल संघाने माऊंट कार्मेल कॉन्वेंट हायस्कूल संघाला 4-0 असे पराभूत केले. अर्हाना विज (आठव्या मिनिटाला) पहिला गोल मारला. तर, खुशी कवठेकर (19 व्या मिनिटाला) आणि वैष्णवी जोशीने (22 व्या मिनिटाला) गोल मारत सुरुवातीच्या 25  मिनिटांमध्येच बिशप्स संघाला 3-0 अशी आघाडी मिळवून दिली. नंतर साक्षी होळकरने (28 व्या मिनिटाला) गोल मारत संघाला 4-0 असा विजय मिळवून दिला.

अँजेल हायस्कूल संघाने ऑर्बिस इंटरनॅशनल स्कूल संघाला 3-0 अशा फरकाने पराभूत केले. एनाक्षी चौधरी (15 व्या मिनिटाला), हर्षदा काळभोर (20 व्या मिनिटाला) आणि गायत्री काळभोर (40 व्या मिनिटाला) यांनी गोल मारत संघाच्या विजयात योगदान दिले. त्यापूर्वी, नेस वाडीया कॉलेज ऑफ कॉमर्स संघाने अँजेल मिकी अँड मिनी स्कूलला टायब्रेकमध्ये 3-1 असे नमविले. प्रिया सतन, रुद्रानी साखरे आणि सत्कृती दवे यांनी नेस वाडीया संघाकडून  गोल मारले. तर,अँजेल मिकी अँड मिनी स्कूल संघाकडून श्रृष्टी लोया संघाने एकमात्र गोल झळकावला.

- निकाल :

- सिनियर मुले (लीग) क गट : पूना कॉलेज ऑफ आर्ट्स, सायन्स अँड कॉमर्स ड्रॉ.वि. सेंट पॅट्रीक स्कूल 0-0, ब गट : आर्मी पब्लिक स्कूल, घोरपडी वि.वि.एस.पी.कॉलेज 3-0

- कॉलेज मुले (लीग), एफ गट : डी.वाय.पाटील नॉलेज सिटी ड्रॉ.वि. नेस वाडीया कॉलेज ऑफ कॉमर्स 0-0, ढोले पाटील कॉलेज ऑफ इंजिनिअरिंग ड्रॉ.वि. एमआयटी अकॅडमी ऑफ इंजिनिअरिंग (एमआयटी एओई) 0-0

- शालेय मुली (लीग) : नेस वाडीया कॉलेज ऑफ कॉमर्स वि.वि.अँजेल मिकी अँड मिनी स्कूल 0-0 (पेनल्टी 3-1), द बिशप्स हायस्कूल कॅम्प वि.वि. माऊंट कार्मेल कॉन्वेंट हायस्कूल 4-0, अँजेल हायस्कूल वि.वि. द ऑरबिस इंटरनॅशनल स्कूल 3-0.

16 Nov 2017


सोलारीस क्लब अखिल भारतीय मानांकन अजिंक्यपद मालिका टेनिस स्पर्धा

एमपीसी न्यूज - सोलारीस क्लब तर्फे आयोजित सोलारीस क्लब अखिल भारतीय अजिंक्यपद मालिका (चॅम्पियन सिरीज) टेनिस (14 वर्षाखालील) स्पर्धेत पुण्याच्या मानस धामणे याने मुलांच्या तर, हर्षिता बंगेरा हिने मुलींच्या गटाचे विजेतेपद मिळवले.

सोलारीस क्लब, मयुर कॉलनी, कोथरूड येथे झालेल्या या स्पर्धेच्या मुलांच्या अंतिम फेरीत 9 वर्षीय व चौथ्या मानांकित मानस धामणे याने सिध्दार्थ मराठे याचा 6-4, 7-5 असा सरळ सेटमध्ये पराभव करून विजेतेपदाला गवसणी घातली. मानसने केवळ 62 मिनिटांमध्ये अंतिम सामना संपविताना सिध्दार्थवर निविर्वाद वर्चस्व गाजवले.

बिशप्स् कँप शाळेमध्ये चौथीमध्ये शिकणार्‍या मानसचे हे या वर्षातील 14 वर्ष वयोगटातील दुसरे विजेतेपद आहे. याआधी मानसने डेक्कन जिमखाना येथे ऑक्टोबर मध्ये झालेल्या स्पर्धेत 14 वयोगटाचे पहिलेविजेतपद मिळवले. 2017 या वर्षामध्ये मानसने एकूण 12 आणि 14 वयोगटात एकूण 14 विजेतेपद मिळवली आहेत. सोलारीस येथे 14 वयोगटाच्या स्पर्धेत तो पहिल्यांदाच सहभाग आणि विजेतेपद मिळवण्याची कामगिरी केली.

मुलींच्या गटामध्ये बिगरमानांकित हर्षिता बंगेरा हिने तिसर्‍या मानांकित सोनल पाटील हिचा 6-3, 7-5 असा सरळ सेटमध्ये पराभव करून मुलींच्या गटाचे विजेतेपद मिळवले. उपांत्य फेरीच्या झालेल्या सामन्यात हर्षिता बंगेरा हिने सहाव्या मानांकित कामया परब हिचा 9-4 असा तर, सोनल पाटील हिने मधुरीमा सावंत हिचा 9-2 असा पराभव करून अंतिम फेरी गाठली होती.

स्पर्धेचे पारितोषिक वितरण सोलारीसचे संचालक जयंत पवार आणि सोलारीस क्लबचे सीईओ हृषीकेश भानुशाली यांच्या हस्ते झाले. यावेळी स्पर्धेचे संचालक रविंद्र पांड्ये व एमएसएलटीए निरिक्षक वैशाली शेकटकर, क्लबचे व्यवस्थापक राजेश सकपाळ आदि उपस्थित होते. विजेत्या आणि उपविजेत्या खेळाडूंना करंडक, प्रशस्तीपत्रक आणि आकर्षक बक्षीसे देण्यात आली.

14 वर्षाखालील गटः उपांत्य फेरीः मुलीः हर्षिता बंगेरा वि.वि. कामया परब (6) 9-4;

सोनल पाटील (3) वि.वि. मधुरीमा सावंत (2) 9-2;

अंतिमः हर्षिता बंगेरा वि.वि. सोनल पाटील (3) 6-3, 7-5;

मुलेः मानस धामणे (4) वि.वि. प्रसाद इंगळे (6) 9-7;

सिध्दार्थ मराठे वि.वि. अर्थव कमलापुरकर 9-2;

अंतिमः मानस धामणे (4) वि.वि. सिध्दार्थ मराठे 6-4, 7-5;

Page 1 of 39