• IMG-20170812-WA0103.jpg
  • IMG-20171012-WA0071.jpg
  • IMG-20171013-WA0075.jpg
  • MPC_news.JPG
  • TVS.jpg
21 Nov 2017

लिम्का बुक ऑफ वर्ल्ड रेकॉर्ड्स व इंडिया बुक ऑफ वर्ल्ड रेकॉर्ड्ने घेतली दखल

एमपीसी न्यूज - जम्मू काश्मीर ते कन्याकुमारीपर्यंतचा तब्बल 3400 किमी.चा 13 राज्यातून प्रवास... तोही सायकलवरून आणि 14 वर्षांची मुलगी आणि पत्नीसह. पुण्यातील सतीश पाटील यांनी ही अनोखी व साहसी प्रवास यात्रा 30 दिवसांत सायकलवरून केली. दररोज कमीत कमी 100 किमी व जास्तीत जास्त 170 किमीचा प्रवास त्यांनी केला. देशात पहिल्यांदाच अशाप्रकारचा व इतका मोठा प्रवास सायकलवरून झाला आहे. याची नोंद लिम्का बुक ऑफ वर्ल्ड रेकॉर्ड्स व इंडिया बुक ऑफ वर्ल्ड रेकॉर्ड्समध्ये होत आहे.

सतीश पाटील हे व्यावसायिक असून ते हिंजवडीत राहतात. 15 ऑक्टोबर 2017 ते 13 नोव्हेंबर 2017 दरम्यान त्यांनी हा प्रवास पूर्ण केला. जम्मू येथून प्रवासास सुरुवात केली आणि पुढे लुधियाना, पानीपत, दिल्ली, आग्रा, मथुरा, ग्वाल्हेर, लांजीतपूर, छिंदवाडा, नागपूर, हैदराबाद, बंगळुरु, सालेम, कन्याकुमारी असा हा प्रवास झाला. एकूण 13 राज्यातून हा प्रवास झाला त्यामध्ये जम्मू-काश्मीर, पंजाब, हिमाचल प्रदेश, हरियाणा, दिल्ली, उत्तर प्रदेश, मध्य प्रदेश, राजस्थान, महाराष्ट्र, तेलंगाणा, आंध्र प्रदेश, कर्नाटक, तामिळनाडू या राज्यांचा समावेश आहे.

याविषयी माहिती देताना सतिष पाटील म्हणाले, दरवर्षी आम्ही काहीतरी साहसी करायचो. यावर्षी कुटुंबासोबत प्रवास करून त्यांचा आत्मविश्वास वाढविणे, स्त्री-पुरुष समानता व फॅमिली फिटनेसचा संदेश लोकांपर्यंत पोहोचविण्याच्या उद्देशाने ही प्रवास यात्रा केली. यामध्ये रिस्क वाटली नाही. सगळीकडे चांगली माणसं असतात. थोडी काळजी घेतली आणि चुकीच्या वेळी चुकीच्या ठिकाणी थांबणे टाळले तर, सहसा कोणतीच अडचण येत नाही. यापूर्वी छोट्या-मोठ्या सहलींचा अनुभव असल्याने या प्रवासाबाबत भिती वाटली नाही.

हा प्रवास करण्यापूर्वी सायकल चालविण्याचा सराव केला. जिममध्ये फिटनेस वाढविला. डायट व्यवस्थित ठेवला. साधारणपणे एक ते दीड महिना अगोदर सराव सुरु केला. मानसिक तयारीसाठी 25, 50, 100 किमी च्या टप्प्यात वाढ करीत सायकल चालविण्याचा सराव केला. एका दिवसात 100 किमी चा प्रवास झाल्यानंतर मानसिकदृष्ट्या जम्मू ते कन्याकुमारी अंतर सायकलवर पार करू असा आत्मविश्वास मिळाला. तसेच, यापूर्वी पुणे ते गोवा हा प्रवास सायकलने मागच्या वर्षी डिसेंबरमध्ये केला असल्याचे ही सतीश पाटील यांनी सांगितले.

यावेळी त्यांनी वेगवेगळ्या राज्यातील नागरिकांनी मदत केल्याचे सांगितले. पंजाबमधील एका ज्यूस विक्रेत्याने चुकून जास्त दिलेले पैसे परत दिले तर एका पंक्चरवाल्याने पंक्चरचे पैसे घेतले नाही आणि पुढील प्रवासात असा प्रसंग आलाच तर त्यासाठी पंक्चर काढण्यासाठी लागणारे साहित्य दिले.
21 Nov 2017


एमपीसी न्यूज - जम्मू काश्मीरमधील पम्पोर येथे दहशतवाद्यांशी लढताना वीरगती प्राप्त झालेले शहीद जवान सौरभ फराटे यांच्या स्मारकाचे काम पुणे महापालिकेने लवकरात-लवकर सुरु करावे, अशी मागणी  सामाजिक कार्यकर्ते प्रशांत सुरसे यांनी सर्वपक्षिय गटनेत्यांकडे आज (मंगळवारी) केली आहे. तसेच येत्या महिन्याभरात स्मारकाचा विषय मार्गी न लागण्यास तीव्र आंदोलन करण्याचा इशाराही त्यांनी दिला आहे.


याबाबत सभागृह नेते श्रीनाथ भिमाले, विरोधी पक्षनेते चेतन तुपे आणि शिवसेना गटनेते संजय भोसले यांना निवेदन देण्यात आले आहे. त्यात सुरसे यांनी म्हटले आहे की, जम्मू काश्मीरमधील पम्पोर येथे दहशतवाद्यांशी लढताना वीरगती प्राप्त झालेले शहीद जवान सौरभ फराटे यांचे पुणे महापालिकेने स्मारक बांधण्याची घोषणा केली होती. मात्र देशाची सेवा करताना सैनिक शहीद होऊन एक वर्ष होत आले. पंरतु, तरीही  स्मारकाबाबत कोणत्याही हालचाली झाल्या नाहीत. ही निषेधार्ह बाब आहे.

महापालिकेने स्मारकासाठी त्वरित जागा निश्चित करावी. महिन्याभरात स्मारकाचे काम सुरु करावे. येत्या महिन्याभरात स्मारकाचा विषय मार्गी नाही लागला तर, तीव्र आंदोलन करण्यात येईल, असा इशारा  प्रशांत सुरसे यांनी निवेदनातून दिला आहे. 

याबाबत बोलताना सभागृह नेते श्रीनाथ भिमाले म्हणाले, सौरभ फराटे यांचे स्मारक महापालिकेच्या माध्यमातून उभारले जाईल. त्यासाठी लवकरच महापौर, अधिका-यांसमवेत बैठक घेण्यात येईल.

21 Nov 2017

एमपीसी न्यूज - 
महापालिका आयुक्त कुणाल कुमार यांनी पुणे शहरासाठीचा एकात्मिक सायकल आराखडा तयार केला असून, आराखड्यातील तरतुदीच्या अनुषंगाने 
भाडेतत्त्वावर सायकली देण्याचे धोरण (पुणे पब्लिक बायसिकल शेअरिंग सिस्टिम - पीबीएस) महापालिका प्रशासनाने तयार केले आहे. या योजने संदर्भातील करार करण्यास आज झालेल्या स्थायी समितीच्या बैठकीत मंजुरी देण्यात अली.

पुणे शहरात सायकल चालविण्याचे प्रमाण वाढविणे, त्यासाठी नागरिकांना प्रोत्साहन देणे, हा या धोरणाचा प्रमुख उद्देश आहे. सायकलीचा वापर वाढल्याने स्वयंचलित दुचाकींचा वापर आणि प्रदूषण कमी होईल, असा दावा आयुक्तांनी केला आहे. शहरात सायकल विक्रेते, त्यांची दुरुस्ती करणारे, तसेच सायकली भाड्याने देणारे दुकानदार आणि स्वयंसेवी संस्था यांच्या प्रतिनिधींशी चर्चा करून सध्याच्या अडचणी जाणून घेऊन धोरण आखण्यात आल्याचे त्यांनी नमूद केले.

पीबीएस योजनेनुसार एक लाख सायकलींचा वापर करण्याचे उद्दिष्ट असून, शहरातील रस्त्यांवर सायकली भाड्याने देण्यासाठी स्टेशन तयार करण्यात येणार आहेत. ही योजना राबविण्याबाबत काही खासगी संस्थांनी महापालिकेकडे विचारणा केली असून, त्या स्वखर्चाने या योजनेत सहभागी होऊ इच्छित आहेत. या योजनेद्वारे ठेकेदार स्वतः गुंतवणूक करणार असून त्याचा कुठलाही ताण महापालिकेवर येणार नसल्याचे प्रस्तावात नमूद करण्यात आले आहे.

पीबीएस संस्थांनी स्वंयचलित सार्वजनिक सायकल सेवा देणे आवश्यक आहे. चांगल्या गुणवत्तेची, किफायतशीर आणि सर्वस्तरातील नागरिकांना वापर करता येवू शकेल, अशी सेवा देणे बंधनकारक आहे. महापालिकेकडून उपलब्ध करण्यात येणाऱ्या पार्किंगमध्ये सायकल लावणे बंधनकारक असेल. पीबीएस संस्थाचालकांनी शाळा, कॉलेज, हौसिंग सोसायटी, व्यापारी संघटना आदींना सायकल चालविण्यासाठी प्रोत्साहन देणे अपेक्षित आहे. महापालिका या धोरणाबाबत ‘पीबीएस’ संस्थांशी करार करणार असून त्याच्या मसुद्याला स्थायी समितीची मान्यता मिळाली आहे. 
21 Nov 2017

7  ते 11 डिसेंबर दरम्यान शिवाजीनगर येथील कृषि महाविद्यालयाच्या आवारात भरणार प्रदर्शन

एमपीसी न्यूज -  कम्प्युटर अॅण्ड मीडिया डिलर्स असोसिएशन पुणेच्या (सीएमडीए पुणे) वतीने यंदाच्या आयटी एकस्पो मध्ये शासकीय अभियांत्रिकी महाविद्यालय पुणे (सीओईपी) तर्फे विकसित करण्यात आलेले स्वयंम सॅटेलाईट, अचूक हवामानाचा अंदाज वर्तविणारे सीडॅकचे परम शावक, सीओईपीचे पुरस्कार प्राप्त रोबोट्स आणि स्मार्ट सिटीचा समावेश असणार आहे. तसेच, हे या आयटी एक्स्पोचे प्रमुख आकर्षण असणार आहे, अशी माहिती आयटी एक्स्पोचे समन्वयक विवेक अष्टुरकर यांनी आज पत्रकार परिषदेत दिली.

पंतप्रधान नरेंद्र मोदी यांच्या डिजीटल इंडिया संकल्पनेवर आधारित यंदाचे आयटी एक्स्पो प्रदर्शन आयोजित करण्यात येत आहे. त्यामुळेच सर्वांचे आकर्षण ठरलेले स्वयंम सॅटेलाईट, परम शावक, रोबोट्स या प्रदर्शनात पाहण्याची सुवर्णसंधी पुणेकरांना असणार आहे. तसेच, स्मार्ट सिटी प्रकल्पासंदर्भात माहिती देणारे प्रदर्शनही यामध्ये असणार आहे. याप्रसंगी सीएमडीए पुणेचे अध्यक्ष नरेंद्र मोदी, सचिव सतेन शहा, स्मार्ट सिटीचे सॅबिस्टन आणि दिनेश पोतदार आदी मान्यवर उपस्थित होते. मोदी यांनी सीएमडीए पुणेच्या विविध उपक्रमांची यावेळी माहिती दिली.

प्रदर्शनाचे उद्घाटन महाराष्ट्र राज्याचे मुख्यमंत्री देवेंद्र फडणवीस यांच्या पत्नी अमृता फडणवीस यांच्या हस्ते ७ डिसेंबर रोजी कृषी महाविदयालयाच्या मैदानावर होणार आहे. पंतप्रधान नरेंद्र मोदी यांच्या डिजिटल इंडीया ही संकल्पना लक्षात घेऊन यावर्षीची थीम ठरविण्यात आली आहे. माहिती तंत्रज्ञानाचे नवनवीन प्रकल्प व वस्तू पुणेकरांपर्यंत पोहोचविण्यासाठी आयटी एक्स्पोची संकल्पना पुढे आली. आतापर्यंत आम्ही जीएसटी व एलबीटी सारखे उपक्रम यशस्वीपणे सादर केले आहेत. या प्रदर्शनामध्ये डेल, लिनोवो, सर्कल, मेगाबाईट नेटवर्कींग, डेस्कटॉप यांचाही समावेश असणार आहे. विद्यार्थ्यांना डोळ्यासमोर ठेवून यावेळचे उपक्रम राबविण्याचा आमचा मानस आहे. या प्रदर्शनामध्ये तंज्ञत्रानाचा प्रचार व प्रसार करण्यावर आमचा भर आहे, असेही अष्टुरकर म्हणाले.

सीओईपीच्या विद्यार्थ्यांनी बनविलेले स्वयंम सॅटेलाईट, सीओईपी व एमआयटीच्या इंजिनिअरींगच्या विद्यार्थ्यांनी बनविलेले रोबोटची प्रात्यक्षिके आणि हवामानाचा अचूक अंदाज वर्तविणारे परम शावक या प्रदर्शनामध्ये असणार आहेत. सध्याचे तंत्रज्ञान व भविष्यकाळात ते कसे असेल, याची माहिती या प्रदर्शनामध्ये असणार आहे.
21 Nov 2017


काशिनाथ नखाते यांच्या तक्रारीवरून गुरुवारी न्यायालयात हजर राहण्याचे आदेश

एमपीसी न्यूज - पिंपरी चिंचवड शहरातील हातगाडी, टपरी, स्टॉल धारकांवर महापालिकेकडून होत असलेली अन्याय कारक कारवाई व पोलीस बळाचा गैरवापर करून त्यांच्या मानवी हक्कावर गदा आणली आहे. असा आरोप काशिनाथ नखाते यांनी मानवी हक्क आयोगाकडे केला. या तक्रारीवरून मानवी हक्क आयोगाने पिंपरी चिंचवड महापालिकेच्या आयुक्तांना समन्स दिले आहेत. यानुसार आयुक्तांना येत्या गुरुवारी (दि. 23) रोजी सकाळी अकरा वाजता मानवी हक्क आयोगाच्या मुंबई न्यायालयात हजर राहण्याचे आदेश दिले आहेत.

काशिनाथ नखाते यांनी दिलेल्या माहितीनुसार, तक्रारीत नमूद विषयावरून सर्व कागदपत्रे, पुरावे, माहिती सादर करण्याचे आदेश आयोगाने दिले आहेत. यामुळे महाराष्ट्र फेरीवाला क्रांतीची महासंघाचे सभासद व फेरीवाल्यांमध्ये आशादायी वातावरण निर्माण झाले आहे. फेरीवाला हटाव मोहिमेवरून राजकारण तापले असून मुंबईसह राज्यात अनेक ठिकाणी त्याचे लोण पसरले होते. पिंपरी चिंचवड महापालिकेकडून शहर फेरीवाला समितीची बैठक न घेता महापालिका आयुक्तांनी परस्पर निर्णय घेत फेरीवाल्यांवर अन्यायकारक कारवाई करण्याचे आदेश दिले होते.

या कारवाईमुळे फेरीवाल्यांनी काढलेली लहान लहान कर्जे फिटणार कशी, असा प्रश्न सर्व हातगाडी, टपरी व फेरीवाल्यांसमोर उभा राहिला. कायद्यानुसार शहर फेरीवाला समितीची बैठक घेऊन हा विषय मंजूर करणे आवश्यक असताना काही दिवसांपूर्वी आयुक्तांच्या परवानगीने अतिरिक्त आयुक्तांनी जागेवर हातगाड्या, टप-या भुगा करा, असे अन्यायकारक आदेश काढले होते. या मनमानी कारवाई विरोधात महाराष्ट्र फेरीवाला क्रान्ती महासंघ विविध मार्गाने लढणार असून फेरीवाला घटकास शिस्त लावण्याबरोबरच त्यांना न्याय मिळणे गरजेचे आहे, असेही नखाते म्हणाले.

21 Nov 2017
एमपीसी न्यूज : पुणे शहरातील कोथरूड येथे प्रस्तावित शिवसृष्टीबाबतचा महापौर मुक्त टिळक यांनी मुख्यमंत्र्यांन सोबत बैठक आयोजन करण्याचे आश्वासन दिले होते असे असताना मुख्यमंत्री 5 वेळा पुण्यात येऊन देखील कोणताही निर्णय झाला नाही त्यामुळे येत्या महिन्या भरात शिवसृष्टी बाबाच्या निर्णय न झल्यास मेट्रोचे काम बंद पडण्याचा इशारा राष्ट्रवादी काँग्रेसचे माजी उपमहापौर आणि नगरसेवक दीपक मानकर यांनी मुख्यसभेत दिला याला शिवसेना आणि मनसेने पाठिंबा दर्शवला.आज शिवसृष्टी बाबतच्या खास सभेचे आयोजन करण्यात आले होते त्यावेळी ते बोलत होते. 

शिवसृष्टीच्या जागेवर मेट्रो स्टेशन चे आरक्षण टाकण्यात आले आहे. त्यामुळे मेट्रो का शिवसुष्टी अथवा दोन्ही हा मोठा प्रश्न निर्माण झाला आहे. यापूर्वीच तेथे मेट्रो स्टेशन होणार हे निश्‍चित झाले आहे. असे असताना शिवसृष्टीही तेथे झाली पाहिजे असा आग्रह काही नगरसेवकांनी धरला होता. परंतु त्यावर कोणताच निर्णय घेण्यात आला नाही. मेट्रो स्टेशन व्यतिरिक्त या ठिकाणी शिवसृष्टी ही होऊ शकते असा अहवाल महामेट्रो ने दिला होता. त्यामुळे या विषयावर चर्चा करण्यासाठी खास सभेचेही आयोजन करण्यात आले होते. त्यावेळी सर्व पक्षीय सदस्यानी शिवसृष्टी होण्याच्या बाजूने मत व्यक्त केले होते. पालकमंत्री गिरीश बापट यांनी याची दखल घेत मुंबईत मेट्रोचे अधिकारी व महापालिका पदाधिकारी यांची खास बैठक घडवून आणली. या बैठकीत मेट्रो साठीच्या २८ एकर जागेवर काही भागात स्थानक तसेच काही भागात शिवसृष्टी असे करणे शक्य आहे, याची तंत्रज्ञांमार्फत चाचपणी करण्याचे ठरले आहे. तसेच मेट्रोचे वरिष्ठ अधिकारी, काही तंत्रज्ञ व महापालिका पदाधिकारी अशी संयुक्त बैठक लवकरच आयोजित करण्याचा निर्णयही त्यावेळी झाला.मात्र दरम्यानच्या काळात मुख्यमंत्री देवेंद्र फडणवीस परदेश दौºयावर असल्याने अशी बैठक झालीच नाही. त्यामुळे महापौर टिळक यांनी मुख्यमंत्र्यांबरोबर बोलून येत्या महिनाभरात यासंबधीचा निर्णय घेतला जाईल सांगितले.

मात्र अशी कोणतीही बैठक झाली नाही त्यामुळे मानकर यांनी मेट्रोचे काम बंद करण्याचा इशारा दिला आहे मानकर म्हणाले महापौर मुक्ता टिळक यांनी मागील महिन्यात शिवसृष्टीचा प्रश्न मुख्यमंत्र्यांशी चर्चा करून मार्गी लावणार असल्याचे सांगितले होते. मात्र तेव्हापासून मुख्यमंत्री पाच वेळेस पुणे शहरात आले तरीही कोणताच ठोस निर्णय होताना दिसत नाही त्यामुळे येत्या महिनाभरात जर हा प्रश्न मार्गी लागला नाही तर मेट्रोच काम बंद पाडणार असल्याचे सांगितले.

निवडणुकीच्या आधी भाजपने सिंहगडावर शपथ घेतली.मात्र, निवडून आल्यापासून शिवसृष्टी विषयी कोणतीच हालचाल होताना दिसत नाही. त्यामुळे यापूढे थेट रस्त्यावर उतरून संघर्ष' करण्याचा इशारा काँग्रेस गटनेते अरविंद शिंदे यांनी दिला आहे. 

तर 'आज आमच्यावर टीका करणारेच मागील काळात सत्तेवर होते. त्यावेळी शिवसृष्टीचा विषय का मार्गी लावला गेला नाही. मात्र आम्ही छत्रपतींच्या मार्गाने काम करत असून लवकरच कोथरूडमध्येच हे काम केलं जाणार असल्याच' स्थायी समिती अध्यक्ष मुरली मोहोळ यांनी यावेळी सांगितलं आहे. 
21 Nov 2017


एमपीसी न्यूज - पिंपरी-चिंचवड महापालिकेच्या रुग्णालय, दवाखान्यातील 21 डॉक्टरांच्या अंतर्गत बदल्या करण्यात आल्या आहेत. त्यामध्ये वैद्यकीय अधिकारी, स्त्रीरोग व प्रसूतीशास्त्र तज्ज्ञ, ज्येष्ठ वैद्यकीय अधिकारी आणि गट 'ब' मधील वैद्यकीय अधिका-यांचा समावेश आहे.


स्त्रीरोग व प्रसूतीशास्त्र तज्ज्ञ डॉ. सुजाता गायकवाड यांची भोसरी रुग्णालयातून वायसीएमएच रुग्णालयात, डॉ. गोविंद तळपाडे यांची प्राधिकरणातून पिंपरीगावातील दवाखान्यात, डॉ. वर्षा डांगे यांची कुटुंब नियोजन विभागातून वायसीएमएच रुग्णालयात, डॉ. विकल्प भोई यांची आकुर्डी रुग्णालयातून बोपखेल दवाखान्यात, डॉ. सुनीता साळवे यांची यमुनानगर रुग्णालयातून आकुर्डी रुग्णालयात, डॉ. गितांजली कोल्हे यांची यमुनानगर रुग्णालयातून वाल्हेकरवाडी दवाखान्यात, डॉ. संध्या भोईर यांची वाल्हेकरवाडी दवाखान्यातून म्हेत्रेवस्ती येथील दवाखान्यात बदली करण्यात आली आहे.

डॉ. स्मिता नागरगोजे यांची नेहरुनगर येथील दवाखान्यातून यमुनानगर रुग्णालयात, डॉ. रामनाथ बच्छाव यांची भोसरी रुग्णालयातून यमुनानगर रुग्णालयात, डॉ. किशोरी नलवडे यांची थेरगाव रुग्णालयातून तालेरा रुग्णालयात, डॉ. आसावरी ढवळे यांची यमुनानगर रुग्णालयातून थेरगाव रुग्णालयात, डॉ. छाया शिंदे यांची यमुनानगर रुग्णालयातून नेहरुनगर दवाखान्यात, डॉ. राजीव शहारे यांची पोस्ट मार्टेम विभागातून यमुनानगर रुग्णालयात, डॉ. अंजली ढोणे यांची तालेरा रुग्णालयातून पुनावळे येथील दवाखान्यात बदली करण्यात आली आहे. 

डॉ. श्रीराम भंडारे यांची पोस्ट मार्टेम विभागातून सांगवी रुग्णालयात, डॉ. संजय पोटे यांची पिंपरीगावातील दवाखान्यातून प्राधिकरणातील दवाखान्यात, डॉ. राहुल साळुंखे यांची पोस्ट मार्टेम विभागातून आकुर्डी रुग्णालयात, डॉ. तृप्ती सांगळे यांची वायसीएमएच् मधून वैद्यकीय मुख्य विभागात, डॉ. मेधा खरात यांची वायसीएमएच् मधून भोसरी रुग्णालयात, डॉ. प्रकाश ताडे यांची भोसरी रुग्णालयातून सांगवी रुग्णालयात तर, डॉ. स्नेहा जगदाळे यांची सांगवी रुग्णालयातून भाटनगर येथील दवाखान्यात बदली करण्यात आली आहे. 

बदली झालेल्या डॉक्टरांनी त्वरीत बदलीच्या ठिकाणी रुजू होण्याचे आदेश आयुक्त श्रावण हर्डीकर यांनी दिले आहेत.

21 Nov 2017


एमपीसी न्यूज - पिंपरी-चिंचवड महापालिकेने अतिक्रमण विरोधी मोहीम तीव्र केली आहे. आज (मंगळवारी) 'ब' क्षेत्रीय कार्यालयाअंतर्गत प्रभाग क्रमांक 16 चिंचवड, मोरया गोसावी गणपती मंदिरासमोरील फुटपाथवरील पत्राशेडवर पालिकेने हातोडा चालविला. तसेच वाल्हेकरवाडी येथील अनधिकृत घरांवर पालिकेची कारवाई सुरु आहे.

चिंचवड येथील मोरया गोसावी मंदिरा शेजारी पालिकेचे 25 गाळे आहेत. पालिकेने हे गाळे भाडेतत्वार दिले आहेत. भाडेतत्वारील गाळ्यासमोरील फुटपाथवर पत्राशेड टाकले होते. त्यामुळे नागरिकांना फुटपाथवरुन चालने मुश्कील झाले होते. मंगळवारी पालिकेच्या अनधिकृत बांधकाम विभागाने या पत्राशेडवर धडक कारवाई केली. तसेच चिंचवड, वाल्हेकरवाडी येथील दोन आरसीसी अनधिकृत बांधकामे भुईसपाट करण्यात आली असून पालिकेच्या अनधिकृत बांधकामवरील कारवाई सुरू आहे.

कार्यकारी अभियंता मकरंद निकम यांचे मार्गदर्शनाखाली उपअभियंता केशवकुमार फुटाणे, कनिष्ठ अभियंता व बीट निरीक्षक यांचे पथक ही कारवाई करत आहे. दहा मनपा पोलीस कर्मचारी, तीन जेसीबी, दोन ट्रॅक्टरच्या सहाय्याने ही कारवाई सुरू आहे. कारवाई दरम्यान कोणताही अनुचित प्रकार घडू नये यासाठी पोलिसांचा मोठा बंदोबस्त तैनात आहे.

21 Nov 2017


विजय पाटील यांनी माहिती अधिकाराअंतर्गत मागविलेल्या माहितीत बाब उघड

एमपीसी न्यूज - पिंपरी चिंचवड नवनगर विकास प्राधिकरण प्रशासनाने 1998 ते 2017 या वीस वर्षांच्या कालावधीत सामान्य, मध्यम, आर्थिक दुर्बल घटक, अल्प उत्पन्न गट, कामगार कर्मचारी गट या घटकातील लाखो कुटुंबियांकरिता पिंपरी चिंचवड नवनगर विकास प्राधिकरण प्रशासनाने एकही गृहप्रकल्प उभारला नसल्याची माहिती घर बचाव संघर्ष सामितीचे मुख्य समन्वयक विजय पाटील यांनी मागविलेल्या माहिती अधिकारात उघड झाली आहे.

प्राधिकरण प्रशासनाने एकही गृहप्रकल्प राबविला नसल्याने प्राधिकरण हद्दीमध्ये मोठ्या प्रमाणात अनधिकृत बांधकामे उभी राहिली असल्याचे मत विजय पाटील यांनी दिलेल्या पत्रकात मांडले आहे. पत्रकात म्हटले आहे की, मागील वीस वर्षात प्राधिकरण हद्दीत सुमारे 35 हजार अनधिकृत घरांची उभारणी झाली. ही माहिती देखील माहिती अधिकारात प्राप्त झाली. प्राधिकरणाची स्थापना कमी दरामध्ये सामान्य आणि गरीब, आर्थिक दुर्बल, अल्प, मध्यम उत्पन्न असलेल्या नागरिकांसाठी घरे उपलब्ध करून देण्यासाठी झाली. परंतु 1997 नंतर प्राधिकरण प्रशासन त्याच्या मुळ उद्देशापासून अलग झालेले दिसून आले.

पत्रकात पुढे म्हटले आहे की, प्राधिकरण काही मुठभर लोकांचे चराऊ कुरण बनले आहे. भ्रष्टाचार, बांधकाम व्यावसायिकांचे आणि अधिका-यांची भ्रष्ट युती यामुळे प्राधिकरण मूळ उद्देशापासून पूर्णपणे भरकटले. त्यामुळे सर्वात जास्त नुकसान स्थानिक शेतकरी, मूळ जागामालक आणि गरीब मध्यमवर्गीय कामगारांचे झाले. अशा भ्रष्ट वातावरणात प्राधिकरणाची आरक्षित जमीन, विकास आराखडा जमीन, एचसीएमटीआर रिंग रोड जमीन सुद्धा तत्कालीन प्राधिकरण अधिका-यांच्या मूक संमती आणि सहकार्याने सामान्य लोकांना विकली गेली आणि इथूनच प्राधिकरण हद्दीतील अनधिकृत बांधकामांनी वेग पकडला.

वाढत्या लोकसंख्येमुळे पिंपरी चिंचवड शहरात तसेच प्राधिकरण हद्दीत अनधिकृत घरांची उभारणी झाली. प्राधिकरण प्रशासनानेही ह्या बांधकामांविरोधी कारवाई केली नाही. अप्रत्यक्षपणे त्याला प्रोत्साहनच दिले. त्यामुळे 1997 ते 2015 या कालावधीमध्ये गुरुद्वारा रोड, बिजलीनगर, चिंचवडेनगर, थेरगाव या उपनगरांमध्ये 'एचसीएमटीआर' आरक्षित जागेवरही हजारो कुटुंबीयांनी त्यांचे घर बांधले. आता विकास करण्याचे प्रशासनास अचानक आठवले आणि अंतर्गत 30 मीटर रिंग रस्त्याचे बाटलीबंद भूत पुन्हा बाहेर आले. आता हे भूत हजारो कुटुंबियांच्या मानगुटीवर बसले आहे. यावर योग्य 'चेंज अलायमेंट' करून मधला मार्ग निघू शकतो. याकरिता बाधितही सनदशीर मार्गाने घर बचाव संघर्ष समीतीच्या माध्यमातून आंदोलन करीत आहेत, असेही पत्रकात म्हटले आहे.

प्राधिकरणाची स्थापना झाल्यानंतर मागील 45 वर्षांमध्ये 1 ते 42 पेठांमध्ये हजारो हेक्टर जमिनींवर 1997 पर्यंत केवळ 11 हजार 221 घरे प्राधिकरणाने बांधली. लोकसंख्येच्या वाढत्या संख्येपेक्षा ही आकडेवारी खूपच कमी आहे. या 45 वर्षातील 1977 ते 1997 ह्या वीस वर्षांत 11 हजार 221 घरे त्यानंतर 1998 ते 2017 या वीस वर्षांत '0' अशी कामगिरी प्राधिकरण प्रशासनाने केलेली आहे. वार्षिक सरासरीचा विचार केला तर वर्षाला 200 घरे बांधली गेली. आज प्राधिकरण हद्दीत 6 लाखांच्या आसपास लोकसंख्या आहे. लोकसंख्येचा विचार करता येथील नागरिकांना 40 हजार घरे उपलब्ध करून देणे गरजेचे होते. असे असताना मागील वीस वर्षात एकही गृहप्रकल्प राबविण्यात आला नाही. या प्रकरणाची मुख्यमंत्र्यांनी दखल घ्यावी, असेही पत्रकात म्हटले आहे.

21 Nov 2017

तुकाराम मुंढेंचा प्रसन्न पर्पलला दणका

एमपीसी न्यूज - पुणे महानगर परिवहन (पीएमपी) महामंडळाला कंत्राटी पद्धतीने बस सेवा पुरविणाऱ्या ठेकेदारांचे  बस चालक थकीत वेतनासाठी संपावर गेल्यामुळे प्रवाशांचे हाल होत आहेत, असे असताना पीएमपीएमएलचे व्यवस्थापकीय संचालक तुकाराम मुंढे यांनी पसन्ना पर्पलसोबतचा करार रद्द केला आहे.

पीएमपीने सार्वजनिक वाहतुकीसाठी भाडेतत्वावर काही खासगी बस चालवते. त्यामध्ये प्रसन्न पर्पल या खाजगी संस्थेच्या २०० बसेस रोज रस्त्यावर धावतात. या बसचे चालक आज नियमित वेतन मिळत नसल्याचे कारण देत संपावर गेले आहेत. त्यामुळे प्रवाशांचे हाल होत आहेत. याबाबत मुंढे म्हणाले की पर्पलने सर्व बस दररोज चालवल्या नाहीत. त्यामुळे तुकाराम मुंढे यांनी त्यांचे पैसे रोखून धरले. म्हणूनच हा संप घडवून आणला आहे, असा आरोप मुंढे यांच्याकडून करण्यात आला आहे.

पीएमपी आणि प्रसन्न पर्पल यांच्यात झालेल्या करारानुसार पगारासह बसेसची देखभाल करण्याची जबाबदारी कंपनीची आहे. मात्र, प्रसन्न पर्पल कराराचे पालन करीत नाही, यामुळेच मागील २ महिन्यांपासून चालकांचे पगार झालेले नाहीत. याचा परिपाक संपात झाला आहे. कोथरूडमधील साधारण २०० पीएमपी बसेसचे चालक संपावर आहेत.

Page 1 of 457