• IMG-20170812-WA0103.jpg
  • IMG-20171012-WA0071.jpg
  • IMG-20171013-WA0075.jpg
  • MPC_news.JPG
  • TVS.jpg
21 Nov 2017

एमपीसी न्यूज - भरधाव वेगातील रिक्षाच्या धडकेत एका दुचाकीस्वार इसमाचा मृत्यू झाला. हा अपघात बिबवेवाडीतील गंगाधाम रोडवर रविवारी (19 नोव्हेंबर) रात्री दहा वाजण्याच्या सुमारास झाला. यामध्ये दुचाकीस्वार शहाबुद्दीन रियालुद्दीन चौधरी (46, रा.येवलेवाडी, कोंढवा) याचा मृत्यू झाला. याप्रकरणी रिक्षा चालक बबलु किसन शिंदे (वय-46, रा. मार्केटयार्ड, गुलटेकडी) याला अटक केली आहे.

पोलिसांनी दिलेल्या माहितीनुसार, रविवारी रात्रीच्या सुमारास गंगाधाम रोडवरील आई माता मंदिराजवळून मयत चौधरी हे दुचाकीने जात होते. यावेळी रिक्षा चालक बबलु शिंदे यांनी वाहतुकीच्या नियमांकडे दुर्लक्ष करत भरधाव वेगात रिक्षा चालवत दुचाकीस धडक दिली. यामध्ये गंभीर जखमी झालेल्या चौधरी यांचा मृत्यू झाला. याप्रकरणी बिबवेवाडी पोलीस ठाण्याचे पोलीस उप निरीक्षक देवकाते अधिक तपास करीत आहेत.
21 Nov 2017

एमपीसी न्यूज - ड्युटीवर असलेल्या पोलीस कर्मचा-यास धक्काबुक्की करणा-या एकास विश्रांतवाडी पोलिसांनी अटक केली. ही घटना रविवारी (19 नोव्हेंबर) रोजी रात्री 11 वाजता आळंदी रोड पोलीस चौकीत घडली. याप्रकरणी पोलिसांनी प्रदिप विठ्ठलराव अंबुरे (वय-40, रा.भिमनगर. विश्रांतवाडी) याला अटक केली आहे.

पोलिसांनी दिलेल्या माहितीनुसार, फिर्यादी व्हि.एस.जाधव हे विश्रांतवाडी पोलीस ठाण्यात सहायक पोलीस फौजदार आहेत. घटनेच्या दिवशी आरोपी प्रदिप अंबुरे याची पत्नी त्याच्याविरोधात तक्रार देण्यासाठी आळंदी पोलीस चौकीत आली होती. त्यावेळी प्रदिप अंबुरे हा तिला मारण्यासाठी तिच्या अंगावर धावून गेला. यावेळी फिर्यादीने त्याला अडवले असता त्यांना शिवीगाळ करत धक्काबुक्की केली आणि सरकारी कामात अडथळा निर्माण केला. पोलीस उप निरीक्षक गायकवाड अधिक तपास करीत आहेत.
21 Nov 2017

एमपीसी न्यूज - भोसरी एमआयडीसी पोलीस ठाण्यात कार्यरत असणारे आणि पुणे पोलीस हॉकी संघाचे खेळाडू सिद्धार्थ अशोक निकाळजे यांचे आज (मंगळवार) सकाळी सव्वादहा वाजता उपचारा दरम्यान निधन झाले.


सिद्धार्थ निकाळजे यांचा 7 नोव्हेंबर रोजी सांगवी पोलीस स्टेशनच्या हद्दीत मोटारसायकल वरून जात असताना त्यांच्या दुचाकीला स्कूल बसने (एमएच 12 के क्यू 3099) धडक दिली होती. यामध्ये त्यांना गंभीर दुखापत झाली. त्यांच्यावर रुबी हॉल येथे उपचार सुरु होते. परंतु उपचारा दरम्यान आज सकाळी त्यांची प्राणज्योत मालवली.

सिद्धार्थ निकाळजे 2010 साली महाराष्ट्र पोलीस दलात भरती झाले होते. मागील एक वर्षापासून त्यांची भोसरी एमआयडीसी पोलीस स्टेशनला नेमणूकीस होते. त्यांच्यावर खडकी स्मशानभूमीत अंत्यसंस्कार करण्यात आले.
21 Nov 2017

एमपीसी न्यूज - हडपसर येथे किरकोळ वादातून तरुणांच्या दोन टोळक्यांमध्ये तुंबळ हाणामारी होऊन यात एकजण गंभीर जखमी झाला असून अन्य एक जण किरकोळ जखमी झाला आहे. ही घटना हडपसर येथील कॉलनी 15 नंबर लेनमध्ये सोमवारी रात्री घडली. दरम्यान, जखमी तरुणावर रुग्णालयात उपचार सुरू असून दोन्ही हल्ले खोरांवर रात्री उशिरापर्यंत  गुन्हा दाखल करण्याचे काम सुरू होते.  

महेश भंडारी व मनोज शंकर अशी जखमी तरुणांची नावे आहेत. तर हल्लेखोर अनिकेत शिंदे व त्याच्या साथीदारावर रात्री उशिरापर्यंत गुन्हा दाखल करण्याची प्रक्रिया सुरू होती.

पोलिसांनी दिलेल्या माहितीनुसार, महेश भंडारी व मनोज शंकर हे दोघे बोलत उभे असताना लोणी काळभोर येथील तरुण अनिकेत शिंदे व त्याचे साथीदार तेथे आले. त्यावेळी त्यांच्यात काही कारणावरून वाद झालेत. वादाचे रुपांतर हाणामारीत झाले. हल्लेखोर तरुणांनी शेजारी सुरू असलेल्या बांधकामाच्या ठिकाणावरील लाकडी दांडके उचलून महेश भंडारी व मनोज शंकर यांना मारहाण करण्यास सुरुवात केली. या घटनेत महेश भंडारी व मनोज शंकर दोघेही जखमी झाले. काही काळ परिसरात तणावाचे वातावरण होते. त्यानंतर हडपसर पोलिस घटनास्थळी दाखल झाले. त्यांनी परिस्थिती आटोक्यात आणली. मात्र, तोपर्यंत शिंदे व त्याचे साथीदार पळून गेले होते. रात्री उशिरापर्यंत हडपसर पोलीस ठाण्यात गुन्हा दाखल करण्याचे काम सुरु होते. 

पुढील तपास हडपसर पोलीस करत आहेत.

21 Nov 2017


एमपीसी न्यूज - आकुर्डी परिसरात दहशत पसरवणा-या रावण सेना टोळीच्या म्होरक्याचा पुर्ववैमनस्यातून सहा जणांच्या टोळक्याने कोयता, तलवारीने सपासप वार करत डोक्यात दगड घालून निर्घृन खून केला. ही घटना सोमवारी (दि.20) रात्री पावणे बाराच्या सुमारास आकुर्डी गावठाणातील पंचतारानगर येथे घडली. याप्रकरणी निगडी पोलिसांनी एका आरोपीला अटक केली आहे.


अनिकेत राजू जाधव (वय 22, रा. जाधव वस्ती, रावेत) असे खून झालेल्या सराईत गुन्हेगाराचे नाव आहे. याप्रकरणी हनुमंत शिंदे (रा. देहूरोड) याला निगडी पोलीसांनी अटक केली आहे. तर, सोन्या काळभोर, अक्षय काळभोर (दोघे रा. पंचतारानगर, आकुर्डी), दत्ता काळभोर (रा. समर्थनगरी, निगडी), जीवन सातपुते, बाबा ऊर्फ अमित फ्रान्सिस (दोघे रा. भोसरी) यांच्यावर खूनाचा गुन्हा दाखल करण्यात आला असून हे फरार आहेत. याबाबत सुरज संतोष दास (वय 18, रा. महादु वाल्हेकर चाळ, वाल्हेकरवाडी) याने निगडी पोलीस ठाण्यात तक्रार दिली आहे.

पोलिसांनी दिलेल्या माहितीनुसार, अनिकेत जाधव व आरोपी यांच्यामध्ये पुर्ववैमनस्य आहे. जाधव व फिर्यादी दास दोघे सोमवारी रात्री पावणे बाराच्या सुमारास दुचाकीवरून आकुर्डी गावठाणातून जात होते. त्यावेळी दबा धरून बसलेल्या सोन्या काळभोर याने जाधव याच्यावर लोखंडी कोयत्याने तर हनुमंत शिंदे, अक्षय काळभोर याने तलवारीने वार केले. इतर आरोपींनी लाथाबुक्यांनी मारहाण करत दगड डोक्यात घातले. जबर मार लागल्याने अनिकेत जाधव याचा जागीच मृत्यू झाला.

दरम्यान, आकुर्डी परिसरात मागील काही दिवसांपासून रावण सेना दहशत पसरवत आहे. अनिकेत हा त्या टोळीचा म्होरक्या होता. त्याच्यावर खून, खुनाचा प्रयत्न असे सहा गंभीर गुन्हे दाखल आहेत. जाधव हा काही दिवसापूर्वी महाकाली टोळीचा म्होरक्या हनम्या ऊर्फ हनुमंत शिंदे याच्यावर गोळीबार करून ठार मारण्याचा प्रयत्न केल्या प्रकरणातील दाखल गुन्ह्यात फरार आरोपी होता.

निगडी पोलीस ठाण्याचे पोलीस निरीक्षक (गुन्हे) शंकर आवताडे अधिक तपास करत आहेत.

20 Nov 2017


विक्रीकरिता आणली होती शस्त्रे; हिंजवडी पोलिसांची कारवाई

एमपीसी न्यूज - हिंजवडी पोलिसांनी महाकाली टोळीतील एका सराईत गुन्हेगारास आज (सोमवारी) पाच पिस्टल व 15 जिवंत काडतुसासह अटक केली.

सागर कुमार इंद्रा (वय 23 रा. थेरगाव), असे अटक आरोपीचे नाव असून पोलिसांनी त्याला आज हिंजवडी येथील स्पाईन रोडवरून अटक केले आहे.

पोलिसांनी दिलेल्या माहितीनुसार, एका जबरी चोरीचा तपास करत असताना पोलीस कर्मचारी विवेक गायकवाड यांना खब-याद्वारे खबर मिळाली की, सागर हा शस्त्रासह स्पाईन रोडवरील आशिर्वाद हॉटेल समोर येणार आहे. त्यानुसार पोलिसांनी सापळा रचत आज दुपारी चार वाजता सागरला ताब्यात घेतले.

यावेळी त्याच्या ताब्यातील कार  (एमएच 04 ई.टी.1002) मधून त्याने चार पिस्टल व 13 काडतुसे विक्रीसाठी आणली होती. तसेच त्याच्या कंबरेला एक पिस्टल त्यात दोन जिवंत काडतुसे असे पाच गावठी पिस्टल व 15 जिवंत काडतुसे जप्त करण्यात आली. तसेच त्याच्या ताब्यातील पोलो कार, असा एकूण 6 लाख 26 हजार 550 रुपयांचा ऐवज पोलिसांनी जप्त केला.

सागर याच्यावर फरसखाना, हिंजवडी, देहूरोड, चिंचवड, निगडी या पोलीस ठाण्यात एकूण नऊ गुन्हे दाखल आहेत. त्यामध्ये खून, गंभीर दुखापत, जबरी चोरी, दरोड्याची तयारी, बेकायदेशीर शस्त्र बाळगणे असे गंभीर गुन्हे दाखल आहेत. तसेच तो महाकाली टोळीचा सक्रीय सदस्य आहे. महाकाली टोळी ही निगडी, आकुर्डी, रावेत, देहूरोड या परिसरात दरोडा, खून चोरी, दहशत पसरविण्याचे काम करते. सागर हा याच टोळीचा सक्रीय सदस्य आहे.  त्यामुळे पोलीसही खूप दिवसांपासून सागर याच्या मागावरच होते.

ही कारवाई हिंजवडी पोलीस ठाण्याचे वरिष्ठ पोलीस निरीक्षक अरुण वायकर, पोलीस निरीक्षक गुन्हे रंगनाथ उंडे यांच्या मार्गदर्शनाखाली तपासी पथकाचे गणेश धामणे, कर्मचारी विवेक गायकवाड, किरण लांडगे, आनंद खोमणे, संदीप होळकर, अशिष बेटके, अतिक शेख, ज्ञानेश्वर मुळे व आण्णा गायकवाड यांनी केली आहे.

20 Nov 2017

निरा-भिमा नदीजोड प्रकल्पाचे काम सुरू असताना घडली दुर्घटना

एमपीसी न्यूज - इंदापूर येथील अकोले गावाजवळ निरा-भिमा नदीजोड प्रकल्पाचे काम सुरू असताना बोगद्याचा काही भाग कोसळून झालेल्या भीषण दुर्घटनेत नऊ कामगारांचा मृत्यू झाला आहे. ही दुर्घटना सोमवारी (20 नोव्हेंबर) सायकांळी 6.30 च्या सुमारास घडली. भिगवण पोलीस घटनास्थळी दाखल झाले असून मदतकार्य सुरू आहे.

केंद्र सरकारचा महत्वाकांक्षी प्रकल्प असलेल्या नीरा-भीमा नदी जोड प्रकल्पाच्या कामादरम्यान ही दुर्घटना घडली. आजचे काम संपवून कामगार क्रेनमधून बोगद्यातून बाहेर येत होते. यावेळी क्रेन अर्ध्यात आली असता वायररोप तुटला आणि सर्व 9 कामगार 200 फूट खोल खड्ड्यात कोसळले. यामध्ये 9 जणांचा जागीच मृत्यू झाला. मयत सर्व कामगार हे आंध्रप्रदेश, ओडिसा आणि उत्तरप्रदेश या राज्यातील आहेत. दरम्यान, या घटनेची माहिती समजताच अकोले परिसरातील नागरिक मोठ्या संख्येने घटनास्थळी जमले आहेत. शिवाय पोलीस प्रशासन, रुग्णवाहिका तातडीने घटनास्थळी रवाना झाल्या आहेत.

अकोले परिसरातील या प्रकल्पाच्या शाफ्ट नं. 5 येथे ही दुर्घटना घडली. या ठिकाणी जमिनीवरून सुमारे शंभर फूट खोल खाली खोदाई करून बोगद्याद्वारे आतमध्ये मशीनच्या साहाय्याने खोदाई सुरु आहे. यासाठी तीनशे कामगार काम करीत असून जेसीबी मशीन, मालवाहतूक करण्यासाठीची वाहने यांच्या सहाय्याने काम सुरु आहे.

acci
20 Nov 2017

एमपीसी न्यूज - वानवडी पोलिसांनी तीन सराईत चोरट्यांना अटक केली असून त्यांच्याकडून 2 घरफोडी आणि 1 वाहनचोरीचा गुन्हा उघडकीस आणत 6 लाख 45 हजारांचा मुद्देमाल हस्तगत केला.

वानवडी पोलिसांच्या रेकॉर्डवरील सराईत गुन्हेगार तिलकसिंग गब्बरसिंग टाक (वय-24), विशाल राजू सोनवणे (वय-22) आणि आदीनाथ उर्फ अजिनाथ लक्ष्मण गायकवाड (वय-21)  आणि एका अल्पवयीन मुलाला ताब्यात घेतले. त्यांच्याकडून दोन घरफोडीचे आणि 1 वाहनचोरीचा असे तीन गुन्हे उघडकीस आले.
20 Nov 2017


एमपीसी न्यूज - पार्टीवरून घरी परतणा-या तरुणाला तीन अनोळखी इसमांनी बाणेर येथील पुणे-बँगलोर महामार्गावर मारहाण तरुणाची दुचाकी चोरली. ही घटना आज (सोमवारी) पहाटे तीनच्या सुमारास घडली.


अक्षय राजू टोपे (वय 23 रा. भारत कॉलनी, नढेनगर, काळेवाडी) यांनी हिंजवडी पोलीस ठाण्यात तक्रार दिली आहे.

पोलिसांनी दिलेल्या माहितीनुसार, टोपे हा हॉटेल न्यू सायबा येथून मित्रांसोबतच्या पार्टीनंतर घरी त्याच्या दुचाकीवरून (एमएच14 एफ.जे.7339) या परतत असताना पाठीमागून काळ्या रंगाच्या मोटर सायकलवरून आलेल्या तीन अनोळखी इसमांनी गाडी टोपे यांच्या दुचाकीला आडवी लावली व त्याला हाताने मारहाण करत त्याच्या ताब्यातील 20 हजार रुपये किमतीची दुचाकी जबरदस्तीने पळवली.

हिंजवडी पोलीस ठाण्यात तीन अज्ञात चोरट्यांविरोधात गुन्हा दाखल केला असून पोलीस अधिक तपास करत आहेत.

20 Nov 2017


शोध सुरू असतानाच लोकलमधून मुळा नदीत इसम पडला; इसमाला रुग्णालयात केले दाखल

एमपीसी न्यूज - दापोडी येथील हॅरिस पुलावरून आपल्या दोन वर्षाच्या बाळासह उडी घेत महिलेने आज (सोमवारी) सायंकाळी पाचच्या सुमारास आत्महत्या केली आहे. या महिलेचा मृतदेह अग्निशामक दलाच्या जवानांनी बाहेर काढला असून ही शोध मोहीम चालू असताना दरम्यानच्या काळात एक इसम पुणे-लोणावळा या लोकलमधून अचानक नदीपात्रात पडला. 

घटनास्थळी औंध अग्निशामक दल दाखल झाले आहे.

जवानांनी शहापुरी असलम शेख (वय 20, रा. वाकड), असे महिलेचे नाव असून अग्निशामक दलाच्या जवानांनी महिलेचा मृतदेह बाहेर काढला आहे. तर या शोध मोहीम सुरू असतानाच पुणे-लोणावळा या लोकलमधून एक 40 ते 42 वर्षाचा इसम अचानक नदी पात्रात पडला. जवानांनी शोध मोहीम थांबवत संबंधित इसमाला आधी बाहेर काढले. त्याला जवानांनी कृत्रिम श्वासोच्छवास देऊन त्याला एका खासगी रुग्णालयात उपचारासाठी दाखल केले आहे. तर जिशान असलम शेख (वय 2) या चिमुकल्याचा मात्र अद्यापही शोध सुरुच आहे.

शहापुरी शेख या घरातून किरकोळ भांडणामुळे घरातून रागाच्या भरात घर सोडून भटकत-भटकत आल्या व त्यांनी रागाच्या भरात हॅरीस पुलावरून जिशानसह उडी घेतली. यामध्ये शहापुरी यांनी बुरखा घातला असल्यामुळे त्यांचा मृतदेह पाण्यावरच तरंगत होता. मात्र, जिशानचा शोध अद्याप लागलेला नाही.

घटनास्थळी औंध व पुणे कंट्रोलच्या अशा चार अग्निशमनच्या गाड्या, बोट व 13 लोक शोध काम करत आहेत.  

 

20 Nov 2017


एमपीसी न्यूज - पुण्यातील पौड रोडवरील एका चिकनच्या दुकानाला आज (सोमवार) सकाळी गॅस गळती होऊन आग लागली होती.  अग्निशामक दलाच्या जवानांनी वेळीच धाव घेत आग विझवल्याने मोठा अनर्थ टळला.


याप्रकरणी अधिक माहिती अशी की, कोथरूड परिसरातील पौड रोडवर अमन चिकन सेंटर आहे. आज सकाळी येथील कर्मचारी नेहमीप्रमाणे कोंबड्या शिजवत असताना अचानक गॅस गळती झाल्याने आग लागली. यावेळी कर्मचा-यांनी प्रसंगावधान दाखवत वेळीच दुकानाबाहेर धाव घेत याची माहिती अग्निशामक दलाला दिली. अग्निशमन दलाच्या जवानांनी तात्काळ धाव घेत आग 
आटोक्यात आणली. वेळीच माहिती मिळाल्याने मोठा अनर्थ टळला.

20 Nov 2017

एमपीसी न्यूज - पुणे जिल्ह्यातून तडीपार असणा-या सराईत गुन्हेगारास मुळशीतील कोळवण येथून अटक केली. एटीसीच्या पुणे ग्रामीण पथकाने रविवारी (दि.19) ही कारवाई केली.

सागर अरुण दुडे (रा.कोळवण ता. मुळशी जि. पुणे. ) असे अटक आरोपीचे नाव आहे.

पोलिसांनी दिलेल्या माहितीनुसार, पुणे एटीसी पोलीस पथकाला सागर दुडे हा कोळवण येथे येणार असल्याचे समजताच त्यांनी त्याला अटक केली. यावेळी त्याच्याकडून एक गावठी पिस्तुलही जप्त करण्यात आले. आरोपी दुडे याच्यावर मारामारी, बेकायदा शस्त्र बाळगणे, खुनाचा प्रयत्न असे तीन गंभीर गुन्हे दाखल आहेत. पौड पोलीस ठाण्याने त्याला तडीपार केले होते.

मात्र तरीही आरोपी दुडे हा पुणे जिल्हा हद्दीत वावरत असल्याने पोलिसांनी त्याला अटक करुन पौड पोलिसांच्या ताब्यात दिले आहे.

WhatsApp Image 2017 11 19 at 2.39.07 PM

20 Nov 2017

एमपीसी न्यूज - घराचा उघडा दरवाजा आणि घरातील शांतता पाहून चोरटयांनी भरदिवसा घरातील साडेसहा लाखांचा ऐवज चोरून नेला. ही घटना 6 नोव्हेंबर रोजी दुपारी तीन ते पाचच्या दरम्यान निगडी प्राधिकरणात घडली.

याप्रकरणी सुजित सुभाष डागा (वय 23 रा. डागा रेसिडेन्सी, निगडी प्राधिकरण) यांनी फिर्याद दिली असून अज्ञात चोरट्यांच्या विरोधात निगडी पोलीस ठाण्यात गुन्हा दाखल केला आहे.

पोलिसांनी दिलेल्या माहितीनुसार, 6 नोव्हेंबर रोजी दुपारी घराचा दरवाजा उघडा असल्याची कल्पना येताच घरातील माणसांचा कानोसा घेत चोरट्यांनी घरातील मुद्देमालावर आरामात हात साफ केला. यामध्ये घरातील सुमारे 10 तोळे सोने व दोन लाख 50 हजार रुपयांची रोख रक्कम असा एकूण सहा लाख 40 हजार रुपयांचा ऐवज चोरला.

निगडी पोलिसात गुन्हा दाखल झाला असून पोलीस अधिक तपास करत आहेत. आपल्या परिसरात सीसीटीव्ही बसवणे, घऱातील मौल्यवान ऐवज सुरक्षित ठेवणे अशी काळजी नागरिकांनीही घेणे गरजेचे आहे.

WhatsApp Image 2017 11 19 at 2.39.07 PM

20 Nov 2017

एमपीसी न्यूज - देशी बनावटीचे पिस्तूल आणि काडतूस बाळगणा-या दोघा तरुणांना दत्तवाडी पोलिसांनी अटक केली. यावेळी पोलिसांनी त्यांच्या ताब्यातून देशी बनावटीचे पिस्तूल आणि दोन जिवंत काडतुसे असा 20 हजार 200 रुपयांचा ऐवज जप्त केला.

विशाल बंडू गवळे (24, रा. जनता वसाहत) आणि रवी अंगद चव्हाण (20, रा. जनता वसाहत) अशी अटक केलेल्यांची नावे आहेत.

पोलिसांनी दिलेल्या माहितीनुसार, पोलीस शिपाई विकास कदम यांना दोन तरुण देशी बनावटीचे पिस्तूल विकण्यासाठी जनता वसाहत येथे येणार असल्याची माहिती मिळाली होती. त्यानुसार पोलिसांनी सापळा रचून जनता चौकातील सांस्कृतिक हॉलजवळून दोघांना ताब्यात घेतले. यावेळी त्यांची झडती घेतली असता रवी चव्हाण याच्या खिशातील पिशवीत दोन काडतुसे तर विशाल गवळे याच्या खिशात देशी बनावटीचे पिस्तूल सापडले. दोघांवरही आर्म ऍक्‍टनुसार गुन्हा दाखल करण्यात आला आहे.

WhatsApp Image 2017 11 19 at 2.39.07 PM

19 Nov 2017


आरोपीस एमआयडीसी पोलिसांकडून अटक

एमपीसी न्यूज - चाकूचा धाक दाखवून तरुणास 21 हजार रुपयांना लुटले. ही घटना 10 नोव्हेंबर रोजी रात्री दहा वाजता आल्हाटवाडी येथे घडली असून एमआयडीसी पोलिसांनी आरोपीला अटक केले आहे.

समिर अजीज पठाण (वय 18 रा. नवजिवन सोसायटी, घरकुल चिखली) व त्याचा साथीदार अल्पवयीन मुलाला पोलिसांनी ताब्यात घेतले आहे. याप्रकरणी मिलींद खंडारे (वय 27 रा. मोशी) यांनी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, फिर्यादी सावतामाळी नगर आल्हाटवाडी, मोशी येथून पायी जात असताना आरोपींनी त्याला अडवले व चाकुचा धाक दाखवून त्याच्या जवळील मोबाईल, खिशातील पैशाचे पाकीट असे 21 हजार 100 रुपये चोरले. पोलिसांनी आरोपीला पकडल्याची माहिती मिळाल्यानंतर मिलींद यांनी पोलीस ठाण्यात फिर्याद दिली.

भोसरी एमआयडीसी पोलीस तपास करीत आहेत.

19 Nov 2017

एमपीसी न्यूज - नामांकीत कंपनीमध्ये नोकरी देण्याच्या बहाण्याने तरुणाची 95 हजार रुपयांची फसवणुक केल्याचा प्रकार उघडकीस आला आहे. याप्रकरणी वाकड पोलीस ठाण्यात गुन्हा दाखल करण्यात आला आहे.


राजीव उर्फ समीतकुमार संभूनाथ सिंग (रा. श्रीमणी इस्टेट, वाकड) असे आरोपीचे नाव असून विवेक शुक्ला (वय 29 रा. भुमकर चौक, वाकड) यांनी वाकड पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, फिर्यादी यांच्या पत्नीस हिंजवडी फेज-3 मधील नामांकीत कंपनीमध्ये नोकरी लावण्याचे अमीष दाखवून 13 जून ते 10 जुलै या एक महिन्याच्या कालावधीत आरोपीने त्याच्या बँक खात्यावर 95 हजार रुपये ऑनलाईन पद्धतीने टाकण्यास सांगितले. पैसे देऊनही नोकरी लावली नाही.

याप्रकरणी वाकड पोलीस अधिक तपास करत आहेत. 
19 Nov 2017

एमपीसी न्यूज - पिंपरी पोलिसांनी खूनाच्या गुन्ह्यातील फरार असलेल्या सराईत आरोपीला अटक केली आहे. ही करवाई पोलिसांनी शुक्रवारी (दि.17) रोजी केली.


अंगत बळीराम कांबळे (वय 23 रा. राजीव गांधी वसाहत, नेहरुनगर, पिंपरी) असे अटक करण्यात आलेल्या आरोपीचे नाव आहे.

पोलिसांनी दिलेल्या माहितीनुसार, 2016 मध्ये अजय उर्फ अँगल वाघमारे (रा. विठ्ठलनगर, पिंपरी) याचा दारुच्या नशेत देहुरोड परिसरात नेऊन डोक्यात दगड घालून खून करण्यात आला होता. गुन्ह्यातील आरोपी घटनेनंतर फरार झाले होते. पिंपरी पोलीस शुक्रवारी गस्त घालत असताना त्यांना या गुन्ह्यातील आरोपी राजीवनगर परिसरात असल्याची खबर मिळाली. पोलिसांनी सापळा रचून कांबळे याला गणपती मंदिराजवळून अटक केली. त्याच्याकडे चौकशी केली असता त्याने खून केल्याचे कबूल केले. त्यानुसार कारवाई करुन त्याला द्हुरोड पोलिसांच्या ताब्यात दिले.

ही करावाई पिंपरीचे वरीष्ठ पोलीस निरीक्षक विवेक मुगळीकर, पोलीस निरीक्षक गुन्हे मसाजी काळे यांच्या मार्गदर्शनाखाली पोलीस उपनिरीक्षक बाळासाहेब अंतरकर, पोलीस हवालदार राजेंद्र भोसले, शाकिर जिनेडी, प्रभाकर खणसे, पोलीस नाईक जावेद पठाण, माहदेव जावळे, संतोष दिघे, दादा धस, निलेश भागवत, सुहास डंगारे यांनी केली.
19 Nov 2017


एमपीसी न्यूज - दिघी येथील वडमुखवाडी परिसरात 2 वर्षाच्या चिमुकल्याचा पाण्याच्या टाकीत पडून मृत्यू झाल्याची घटना आज (रविवारी) दुपारी एकच्या सुमारास उघडकीस आली.


शुभांश गौरव तिवारी (रा. साईनाथ मंदीर जवळ, दिघी) असे मयत चिमुकल्याचे नाव आहे.

शुभांश सकाळी नऊ वाजता नाश्ता करून घरातून खेळण्यासाठी घराबाहेर पडला. पण एक वाजत आला तरी तो घरी आला नाही व त्याचा खेळताना आवाज येत नसल्याने घरच्यांनी शोधा शोध केली असता शुभांश हा शेजारीच असलेल्या अप्राटमेंटच्या पाण्याच्या टाकीत पडल्याचे निदर्शनास आले. त्याला ताताडीने पिंपरी येथील वायसीएम रुग्णालयात दाखल केले असता त्याला डॉक्टरांनी त्याला मृत घोषित केले.

आपले मुल खेळत आहे. आसपाच्या परिसरात खुले खड्डे, विजेच्या खुल्या तारा, पाण्याच्या खुल्या टाक्या असतील तर आधीच योग्य ती काळजी घेणे गरजेचे आहे. आधीही मुले पाण्यात पडून मृत्यू झाल्याच्या अनेक घटना शहरात घडलेल्या आहेत. त्यामुळे पालकांनी व आसपासच्या नागरिकांनीही काळजी घेणे गरजेचे आहे.

Page 1 of 96